9:619  619  RESPONSE  620  a  croire  qu'il  est  venu  au  dernier  point  de  perfection:  dont  il  conclud,  que  c'est  grand'  folie,  qu'un  homme  qui  n'est  pas  encores  parfaict  hazarde  sa  vie  pour  protester  quelle  est  sa  foy.  Mais  selon  que  sa  forcenerie  Pagite  et  le  transporte,  il  dit  qu'en  voulant  que  chascun  rende  tesmoignage  exterieur  de  l'honneur  qu'il  porte  a  Dieu,  nous  requerons  plus  des  foibles  et  rudes,  que  sainct  Paul  en  sa  vertu  et  prudence  n'a  faict.  Mais  comment  accordera-il  ses  flustcs,  veu  qu'il  vient  de  dire  n'agueres  qu'on  ne  doit  pas  imposer  loy  aux  foibles  et  rudes  a  l'exemple  de  sainct  Paul?  Ce  n'est  point  asses:  mais  il  va  de  mal  en  pis.  Car  pource  que  nous  exhortons  [page  61]  tous  fideles  d'ensuivre  Abraham  le  pere  de  l'Eglise,  il  nous  reproche  que  nous  voulons  gouverner  a  nostre  appetit  sans  aucune  discretion.  N'est-ce  pas,  dit-il,  tout  pervertir,  d'accoupler  les  simples  idiots  et  novices  au  sainct  patriarche  Abraham?  Ie  luy  demande,  quand  S.  Paul  dit  que  tout  ce  qui  est  escrit,  est  escrit  pour  nostre  doctrine  (Rom.  15,  4):  Item  en  l'autre  passage,  que  toute  l'Escriture  est  utile  a  nostre  instruction  (2.  Tim.  3,  16):  s'il  ne  comprend  pas  les  exemples  des  saincts,  voire  de  ceux  qui  ont  este  les  plus  excellens  en  vertu?  Davantage  quand  il  exhorte  qu'on  l'ensuive,  disant:  Soyez  mes  imitateurs  :  (1  Cor.  l  l  ,  1):  s'il  n'adresse  pas  son  propos  aux  plus  petis  et  plus  rudes?  Mesmes  il  ne  se  contente  point  de  cela,  mais  il  adiouste:  Comme  il  est  imitateur  de  Iesus  Christ.  Ce  qui  ne  doit  estre  trouve  estrange,  veu  que  Iesus  Christ  mesmes  dit  a  ses  disciples:  Ie  vous  ay  donne  exemple,  afin  que  vous  faciez  comme  moy  (Iean.  13,  15).  Voicy  le  miroir  de  toute  perfection,  qui  veut  que  nous  soyons  conformes  a  luy:  ce  vilain  l'accusera-il  de  n'avoir  nulle  discretion?  Ie  scay  bien  qu'il  y  a  des  faicts  particuliers  qu'il  ne  faut  point  tirer  en  reigle,  comme  il  n'est  pas  commande  a  tous  de  sortir  de  leur  pais,  ne  de  sacrifier  leurs  enfans  en  les  mettant  a  mort.  Mais  sur  quoy  ce  brouillon  insiste-il?  c'est  que  nous  enseignons  les  fideles  de  se  reposer  en  la  providence  de  Dieu,  comme  Abraham  a  fait,  et  que  nous  disons  que  pour  le  service  de  Dieu  il  convient  tout  oublier,  iusqu'a  renoncer  a  nostre  vie  propre.  Quelle  matiere  y  a-il  de  plaider  sur  cela?  On  void  donc  que  ce  chien  abaye  contre  son  ombre  :  et  cependant  il  [page  62]  crie  que  nous  sommes  cruels  d'envoyer  beaucoup  de  povres  gens  a  la  boucherie.  Voire,  comme  si  ceste  vie  caduque  nous  devoit  estre  plus  precieuse  que  l'honneur  de  Dieu,  et  le  salut  eternel  de  nos  ames.  Vray  est  qu'il  retourne  encores  a  son  babil  accoustume:  c'est  qu'on  ne  se  doit  pas  faire  brusler  pour  des  ceremonies  qui  sont  fatras  de  nulle  valeur.  Mais  que  les  lecteurs  se  souviennent  de  la  response  qui  a  desia  este  donnee:  que  les  ceremonies  qui  sont  requises