8:619  619  REFUTATIO  ERRORUM  620  deitatis  in  carnem  transmutatione.  Porro  mirum  est,  qui  nimium  rigidus  infantibus  esse  metuit,  quod  ad  usum  externi  symboli  ipsis  tam  iniquum  esse.  Pagina  enim  357,  nullos  vel  ex  Ninivitis  vel  barbaris  quibuslibetl)  progenitos  in  futuram  gehennam  damnare  audet,  quia  (eius  iudicio)  misericors  Dominus,  qui  impiorum  peccata  gratis  sustulit,  nunquam  adeo  rigide  eos  damnaret,  a  quibus  nulla  est  commissa  impietas,  et  qui  sunt  innocentissimae  Dei  imagines.  Quid  hoc  sibi  vult?  Quos  in  ulnas  suas  tam  comiter  recipit  Christus,  et  solenni  benedictionis  symbolo  dignatur,  Servetus  ab  ecclesiae  gremio  excludit,  licet  innocentissimas  esse  dicat  Dei  imagines.  Sed  rationem  assignat,  quod  liberatione  non  indigeant,  qui  peccati  nondum  sunt  servi.  Unde  autem  liberos  a  peccato  esse  probat?  Quia  non  sit  servus  peccati,  nisi  qui  facit  peccatum.  Verum  semper  ad  eundem  lapidem  impingit,  quae  distincta  sunt  perverse  confundens.  Peccati  mancipia  Christus  ex  scelesta  vita  esse  convincit,  qui  se  pro  filiis  Abrahae  venditabant.  Hinc  probe,  fateor,  colligitur,  impios  omnes  ac  reprobos  se  propria  culpa  servos  peccato  addicere.  Sed  inconsiderate  Servetus  inde  infert  nullos  peccati  servos  nasci.  Unde  enim  natura  filii  irae?  Unde  haereditaria  maledictio?  An  ita  atrociter  saeviret  Deus  in  suas  innocentissimas  imagines?  Caeterum  Servetus  postquam  liberationem  infantibus  supervacuam  esse  asseruit,  Christum  illis  redemptorem  ordinat,  ut  corporaliter  resurgant  a  corporali  morte  et  inferno:  baptismum  interea,  quo  in  [pag.  225]  spiritualem  vitam  restituimur,  illis  quadrare  negat.  Hic  observent  lectores  quam  reverenter  de  iustitia  Dei  garriat  Servetus.  Immunes  a  culpa  esse  fingit:  innocentiae  laudem  illis  vendicat,  pag.  387.  Interim  eos  aditidicat  morti  et  inferno.  Hic  si  more  Servetico  ratiocinari2)  libeat,  nonne  plausibilis  erit  in  Deum  querimonia,  qui  impiis  et  sceleratis  ignoscit,3)  parum  humaniter  miseros  et  innoxios  infantes  omni  remedio  privat?  crudelem  etiam  esse,  qui  gratis  scelera  hostibus  suis  condonans  innocentissimas  suas  imagines  a  morte  non  eruit?  Quam  pulchre  secum  alibi  consentiat,  dicere  omitto  f  quadam  coitus  specie  diabolum  esse  intrusum  in  eorum  carnem:  ut  satis  appareat  sine  ullo  pietatis  sensu  eum  lusisse.  Iam  videre  operae  pretium  est  quodnam  legitimum  tempus  baptismo  suo  determinet.  Mysterium  magnum  esse  dicit,  quod  Christus  non  ante  triginta  annos  baptizatus  fuerit.  Exemplo  enim  eius  nos  esse  edoctos,  ante  eam  aetatem  non  esse  quem4)  satis  aptum  ad  mysteria  regni  coelorum.  Addit  1)  ou  de  Sodome.  2)  rhetoriquer.  3)  Add.  et  les  purge  par  le  baptesme.  4)  sic!