7:619  619  VERA  ECCLESIAE  620  baptismo  nobis  et  remissio  peccatorum  et  regenerationis  spiritus  offertur.  In  sacra  coena  invitamur  ad  fruendam  Christi  vitam,  una  cum  bonis  omnibus.  Quale  nunc  temperamentum  erit,  si  his  misceantur  hominum  figmenta?  Obtendunt  quidem,  Deum  esse  omnium  autorem.  Sed  haec  postea  quaestio  expedietur.  Nunc  tantum  dico,  nimium  nos  fore  socordes,  si  natas  in  hominum  cerebris  qualescunque  caeremonias  talibus  mysteriis  patimur  aequari,  in  quibus  salutis  nostrae  summa  continetur.  Quum  rogat  Christus  (Matth.  21,  25),  ex  coelone  an  ab  hominibus  sit  Ioannis  baptisma,  non  aliter  legitimum  ratumque  nobis  esse  debere  significat,  quam  si  coelitus  fuerit  institutum.  Eadem  in  sacramentis,  [pag.  118]  omnibus  valet  ratio.  Et  sane  quum  profiteantur  isti  mediatores,  sacramenta  non  testari  nobis  modo,  sed  etiam  exhibere,  1)  quae  supra  hominum  captum  sunt  ac  facultatem:  nimium  perversos  fore  palam  est,  illa  si  subiiciant  hominum  arbitrio.  Sacramenta  duo  a  Christo  nobis  esse  commendata,  extra  controversiam  est.  De  quinque  ergo  reliquis  vidcamus  quid  sit  sentiendum.  Prius2)  tamen  quam  huc  progrediar,  in  baptismo  breviter  adnotare  operae  pretium  est,  melius  potuisse  omitti  quod  de  praecisa  eius  necessitate  commemorant.s)  Praeterquam  enim  quod  externis  signis  perperam  alligatur  animae  salus,  iniuria  fit  non  levis  promissioni,  ac  si  minus  ad  praestandam,  quam  offert,  salutem,  nisi  aliunde  adiuta  sufficeret.  Sancta  ideo  nascitur  ex  fidelibus  progenies,  quod  adhuc  utero  inclusi,  ipsorum  liberi,  antequam  vitalem  spiritum  hauriant,  cooptati  tamen  sunt  in  foedus  vitae  aeternae.  Nec  sane  alio  iure  per  baptismum  aggregantur  in  ecclesiam,  nisi  quia  ad  corpus  Christi  iam  ante  pertinebant,  quam  in  lucem  ederentur.  Alios  enim  ad  baptismum  qui  admittit,  ipsum  profanat.  Nunc  ergo,  qui  ita  necessarium  statuunt  baptismum,  ut  a  spe  salutis  excludant,  nisi  qui  eo  tincti  fuerunt,  tum  in  Deum  sunt  contumeliosi,  tum  se  quoque  ipsos  implicant  magna  absurditate.  Nam  a  Christo  alienos  sacra  Christi  nota  insignire,  qui  fas  esset?  Baptismum  ergo  praecedat  adoptionis  gratia,  necesse  est:  quae  non  dimidiae  tantum  salutis  causa  est,  sed  eam  ipsam  salutem  in  solidum  affert,  quae  baptismo  deinde  sancitur.  Hinc,  ut  error  alius  ex  alio  scaturire  solet,  baptizandi  munus  [pag.  119]  quod  solis  ecclesiae  ministris  peculiariter  mandavit  Christus,  non  ad  unum  modo  quemlibet  ex  plebe,  sed  ad  mulierculas  etiam  dele-  1)  les  graces  spirituelles  qui  surmontent  etc.  2)  Quae  hic  sequuntur,  usque  ad  verba:  quorsum  referri  debeat,  absunt  ab  editione  germanica  cuius  textus  sic  habet:  Prius  tamen  quam  huc  progrediar,  breviter  adnotabo  quod  caeremonias  omnes  ete.  3)  assavoir  que  nul  ne  peut  estre  sauve  sans  estre  baptize.