48:619  619  SERMONS  620  Maintenant  nous  avons  a  noter  que  ceste  principaute  de  Iesus  Christ  est  pour  nous,  car  il  n'en  ha  que  faire  pour  luy,  veu  qu'il  est  eternel  avec  le  Pere.  Mais  quoy?  Il  est  a  la  dextre  de  Dieu  en  ceste  nature  qu'il  a  prinse  avec  nous.  Cela  est  afin  que  nous  soyons  asseurez  que,  estans  en  sa  protection,  nous  ne  pouvons  avoir  nul  mal.  Vray  est  qu'il  permettra  bien  que  nous  soyons  molestez  de  nostre  chair  et  que  nous  soyons  enveloppez  de  beaucoup  de  miseres:  mais  quoy?  il  est  tousiours  prest  de  nous  tendre  la  main,  et  faut  que  nous  soyons  certains  que,  combien  que  nous  endurions  pour  un  temps,  la  fin  en  sera  a  nostre  salut.  Voyla  ce  qu'il  faut  comprendre  quand  il  est  parle  de  son  ascension.  Ainsi  puis  qu'il  est  monte  la,  et  est  au  ciel  pour  nous,  notons  qu'il  ne  faut  point  que  nous  craignions  estans  en  ce  monde.  Vray  est  que  nous  sommes  suiets  a,  tant  de  povretez  que  c'est  pitie  de  nostre  condition:  mais  pour  cela  il  ne  se  faut  point  estonner,  ne  regarder  a  nos  personnes:  ains  il  faut  regarder  a  nostre  Chef  qui  est  desia  au  ciel,  et  dire,  Combien  que  ie  soye  foible,  voyla  Iesus  Christ  qui  est  assez  puissant  pour  me  faire  demeurer  debout:  combien  que  ie  soye  debile,  voyla  Iesus  Christ  qui  est  ma  force:  combien  que  ie  soye  plein  de  toutes  povretez,  voyla  Iesus  Christ  qui  est  en  la  gloire  immortelle,  et  ce  qu'il  ha  me  sera  une  fois  donne  et  seray  participant  de  tous  ses  biens.  Yray  est  que  voyla  le  diable  qui  est  nomme  le  prince  du  monde.  Mais  quoy?  Iesus  Christ  le  tient  en  bride,  car  il  est  Roy  du  ciel  et  de  la  terre.  Voyla  les  diables  qui  sont  au  dessus  de  nous  en  Fair,  lesquels  ont  la  guerre  contre  nous.  Mais  quoy?  Iesus  Christ  regne  par  dessus,  ayant  toute  la  conduite  de  nostre  combat:  pourquoy  il  ne  nous  faut  pas  douter  qu'il  ne  nous  donne  la  victoire.  Ie  suis  yci  suiet  a  beaucoup  de  mutations,  qui  me  pourroyent  faire  perdre  courage.  Mais  quoy?  voyla  le  Fils  de  Dieu  qui  est  mon  Chef,  lequel  est  exempt  de  toute  mutation:  il  faut  donc  quo  ie  me  confie  en  cela.  Voyla  comment  il  faut  que  nous  regardions  a  son  ascension,  appliquans  le  profit  a  nous.  Or  venons  maintenant  a  ce  que  disent  les  Anges:  Vous  le  verrez  venant  du  ciel  comme  vous  l'avez  veu  y  allant:  pour  signifier  qu'il  ne  le  faut  point  attendre  sinon  quand  ii  viendra  au  iour  du  Iugement.  Et  ceci  ne  doit  pas  seulement  arracher  toute  superstition  de  nous,  mais  nous  doit  attirer  a  luy  au  ciel.  Nous  avons  desia  dit  qu'il  ne  le  faut  chercher  que  par  foy.  Puis  qu'ainsi  est,  regardons  a  ce  que  S.  Paul  dit  aux  Colossiens:  Puis  que  Iesus  Christ  est  habitant  au  ciel,  lequel  est  vostre  Chef,  auquel  vous  avez  toute  vostre  vie,  il  faut  que  vous  y  ayez  vostre  coeur  et  vostre  esprit,  combien  que  vous  soyez  yci  quant  au  corps.  Puis  que  nous