25:619  619  SERMON  IL  620  aller  sans  avoir  esgard  a  nous?  Oar  nous  voyons  nostre  fragilite,  et  puis  nous  ne  saurions  marcher  un  pas  que  nous  ne  soyons  prests  de  choir  ou  de  nous  fourvoyer,  et  les  empeschemens  sont  tels  et  si  grands,  qu'il  seroit  impossible  de  les  surmonter,  sinon  que  Dieu  nous  assistast.  Et  ainsi  apprenons  que  si  Dieu  nous  a  une  fois  adoptez,  et  qu'il  nous  ait  choisis  pour  estre  de  son  trouppeau,  que  ce  n'est  point  afin  que  nous  goustions  tant  seulement  pour  un  iour  sa  grace:  mais  qu'il  veut  persister  a  nous  bien  faire,  qu'il  nous  prend  en  sa  conduite  pour  iamais  ne  nous  quitter,  que  nous  serons  tousiours  sous  sa  protection,  qu'il  ne  cessera  d'augmenter  les  biens  que  nous  avons  sentis  et  receus  de  luy,  iusques  a  ce  que  nous  soyons  venus  a.  la  perfection.  Voila  donc  qui  nous  devroit  bien  faire  magnifier  la  bonte  de  nostre  Dieu,  et  nous  devroit  donner  courage  de  nous  remettre  du  tout  a  luy,  quand  nous  voyons  qu'il  n'abandonne  point  son  ouvrage  au  milieu  pour  le  laisser  imparfait:  mais  qu'il  le  continue,  comme  il  est  dit  au  Pseaume.  Et  cela  appartient  au  salut  spirituel  de  nos  ames,  comme  S.  Paul  en  parle  au  premier  chapitre  des  Philippiens:  Que  celuy  qui  a  commence  une  telle  oeuvre,  la  parfera  iusques  au  iour  de  nostre  Seigneur  Iesus  Christ.  Notons  bien  donc  quand  Dieu  prononce  ici  par  la  bouche  de  Moyse,  que  c'est  assez  que  le  peuple  ait  demeure  en  la  montagne  d'Horeb,  et  le  veut  advancer,  que  par  cela  il  nous  denote,  que  d'autant  que  nous  sommes  delivrez  des  abysmes  de  mort,  et  de  la  servitude  du  diable  et  de  peche,  que  nous  l'aurons  pour  nostre  conducteur  a  iamais,  moyennant  que  nous  escoutions  sa  voix,  et  que  nous  ne  doutions  pas  que  il  ne  pense  de  nous,  et  qu'il  ne  vueille  tousiours  nous  conduire.  Au  reste,  il  est  dit:  Que  le  peuple  tourne,  et  qu'il  tire  en  la  montagne  des  Amorrheens,  et  que  de  la  il  occupe  et  possede  le  pays  de  Chanaan,  soit  les  plaines  ou  les  montagnes,  ou  les  deserts,  ou  les  rivages  de  la  mer:  car  ceste  terre,  dit-ii  est  devant  vous,  c'est  a  dire,  a  vostre  commandement,  que  ie  la  livre  entre  vos  mains,  il  ne  tiendra  qu'a  vous  que  vous  ne  la  possediez.  Pourquoy?  car  ie  Vay  iure  (dit-il)  a  vos  peres  Abraham,  Isaac,  et  Iacobi  i'ay  promis  de  leur  donner  pour  heritage  (dit-il)  et  pour  leur  semence  apres  leur  trespas.  Ici  en  premier  lieu  il  nous  faut  observer  l'ordre  qui  y  est  mis:  car  Dieu  declare  pourquoy  il  avoit  donne  la  terre  a  ce  peuple,  c'est  a  cause  de  la  promesse.  Et  en  cela  il  signifie,  que  la  terre  ne  leur  appartenoit  point  comme  s'ils  l'eussent  acquise  de  leur  vertu  propre,  ou  par  leurs  merites,  mais  c'est  de  don  gratuit.  Dieu  donc  assigne  icy  ce  titre  aux  enfans  d'Israel,  et  leur  monstre  qu'ils  seront  d'autant  obligez  a,  sa  pure  bonte,  quand  ils  seront  introduits  en  la  terre  de  Chanaan.  Et  de  faict,  le  serment  dont