9:618  pour  ne  se  point  soucier  d'aucun  scandale,  sinon  qu'il  adiouste,  Qu'il  y  a  grande  diversite  entre  les  ceremonies  Papales  et  celles  des  Payens,  pource  que  ce  n'estoit  point  iadis  cas  mortel  de  mespriser  les  idoles:  mais  si  auiourd'huy  on  fait  semblant  de  n'estre  Papiste,  que  la  vie  y  pend.  Il  ne  scauroit  mieux  se  declarer  estre  [page  59]  ennemi  de  la  croix  de  Iesus  Christ,  qu'en  parlant  ainsi.  Cy  apres  donc  qu'il  tergiver  se  iant  qu'il  voudra,  et  qu'il  cerche  des  traverses  et  circuits,  c'est  asses  qu'il  se  soit  descouvert  en  un  mot,  Qu'il  veut  fuir  les  persecutions,  et  que  sa  vie  luy  est  plus  precieuse  que  l'honneur  de  Dieu.  Ainsi  ie  luy  laisseray  pour  disciples  ceux  qui  sont  tant  delicats  que  de  quitter  leur  Chrestiente  pour  vivre  avec  les  vivans  comme  Fon  dit.  Il  adiouste  une  autre  raison,  que  du  temps  de  sainct  Paul  les  Chrestiens  se  sont  entrecognus,  mais  auiourd'huy  on  ne  scait  lesquels  doivent  estre  tenus  pour  tels.  A  quoy  ie  respon  qu'il  ne  nous  est  pas  seulement  commande  de  protester  de  nostre  foy  devant  les  bons  et  fideles,  mais  aussi  devant  les  ennemis  mortels  de  la  vraye  religion  et  pure.  Il  replique,  que  celuy  qui  sera  estime  bien  bon  devant  les  hommes  sera  reiette  de  Dieu.  Ie  dy  qu'ainsi  en  a  il  este  de  tout  temps.  Car  l'Eglise  de  Dieu  a  eu  tousiours  de  la  paille  meslee  parmi  le  bon  grain.  Au  reste,  cela  ne  nou≫  exempte  point  de  faire  hommage  a  Dieu,  et  monstrer  par  signes  exterieurs  la  reverence  que  nous  luy  portons,  soit  pour  edifier  les  bons,  soit  pour  rendre  les  meschans  tant  plus  inexcusables.  Toutes  les  cavillations  qu'il  amene  des  diverses  opinions  de  nostre  temps,  n'empeschent  point  que  ceste  doctrine  contre  laquelle  il  debat,  n'ait  tousiours  son  cours.  Les  Calvinistes,  dit-il,  sont  differens  d'avec  les  Lutheriens.  Voire,  mais  nous  disons  tous  d'un  accord,  Que  l'idolatrie  nous  doit  estre  detestable.  Item,  Qu'en  ce  qui  est  libre  de  soy  on  doit  eviter  toute  apparence  et  [page  60]  souspecon  d'idolatrie.  Ce  qu'il  adiouste,  emporte  une  contradiction  si  lourde,  qu'il  pourroit  sembler,  qu'il  eust  un  peu  trop  hume.  Car  il  est  impossible  qu'un  homme  de  cerveau  rassis  crache  ainsi  contre  son  nez.  Il  dit  que  ce  n'est  point  merveilles  si  saipct  Paul,  qui  estoit  comme  un  demi  Ange  et  miroir  de  charite  parfaicte,  a  garde  une  reigle  si  estroite:  mais  qu'un  homme  rude  qui  ne  scait  encores  que  c'est  de  foy  ne  doit  pas  estre  astraint  a  faire  le  sembable.  Devant  que  passer  outre,  que  les  lecteurs  soyent  advertis  de  bien  poiser  les  mots  de  ce  galant.  Car  en  parlant  le  gergon  des  Libertins  il  se  monstre  du  tout  contempteur  de  Dieu,  et  mocqueur  de  toute  religion.  Il  faut,  dit-il,  qu'un  homme  s'aime  soy  mesme  en  Iesus  Christ  devant  qu'aimer  ses  prochains:  ce  qui  vaut  autant  comme  s'il  disoit,  que  nul  n'est  Chrestien  sinon  qu'il  s'adore  comme  un  idole,  se  faisant