7:618  desinant  hic  Dei  et  hominum  [pag.  116]  testimonio  tam  impudenter  abuti.  At  utile,  inquiunt,  remedium  est,  tollendis  dissidiis,  si  unus  emineat,  cui  cogantur  omnes  parere.  De  hoc  itaque  liberam  ecclesiae  consultationem  relinquant,  nec  fingant  verbo  Dei  praescriptum  esse,  quod  statui  ex  usu  debet.  Quanquam  haec  quoque  utilitas  falso  ab  ipsis  praetexitur.  Praesertim  ubi  ista,  quam  iactant,  plenitudo  potestatis  licentiose  exsultat,  quae  nihilo  minus  potest  a  tyrannide  seiungi,  quam  ignis  a  calore  suo.  Et  ne  hic  diutius  haeream,  si  plena  in  christianum  orbem  potestas  nihil  aliud  est  quam  episcopatus  universalis,  hanc  G-regorius,  ut  nefariam  et  sacrilegam,  et  soli  Antichristo  congruentem,  ubique  detestatur.  Cui  de  papatu  fides  habenda  potius  quam  ipsi  papae?  Nunc  sibi,  ut  volet,  blandiatur  romanus  pontifex  hoc  imperio,  quod  illi  adulatores  tribuunt:  sed  apud  sanos  nihil  aliud  proficiet,  nisi  ut  Antichristum  se  ostendat.  1)  Nunc,  ut  alia  omnia  remittam,  si  romanum  pontificem  volunt  totius  ecclesiae  caput  agnE®≪i,  primo  loco  dent  nobis  verum  episcopum,  necesse  est.  Quis  enim  inter  episcopos  eminebit,  nisi  unus,  et  quidem  eximius  in  ordine  episcoporum?  Et  ipsi  quoque,  dum  papatum  ornare  volunt,  subinde  in  ore  habent  Petri  successionem  et  Christi  vices.  Porro,  quem  Christi  vicarium  dicere  audebunt  mediatores,  qui  profligata  Christi  veritate,  exstincta  luce  evangelii,  salute  hominum  eversa,  corrupto  et  profanato  Dei  cultu,  calcatis  atque  laceratis  omnibus  sacris  eius  institutis,  dissipato  ecclesiae  ordine,  barbarum  in  morem  dominatur?2)  Quid  simile,  obsecro,  habet  cum  Christo  papa,  ut  eius  vices  personamque  sustineat?  quid  habet  [pag.  117]  commune  eius  dominatio  cum  ministerio  Petri,  ut  censeatur  eius  successor?  Ergo,  ut  inter  nos  conveniat  de  primatu,  inde  faciendum  erit  exordium,  ut  episcopum  vere  praestet,  cui  primas  in  ecclesia  deferamus.  Nam  qui  hoc  statuit  unitatis  vinculum,  qualis  qualis  sit  romanus  episcopus,s)  totum  illi  orbem  snbesse  debere,  non  aliter  hoc  consequetur,  quam  impiam  a  Christo  defectionem  excitando.  In  sacramentis  hanc  boni  et  aequi  pacificatores  moderationem  adhibent,  ut  septenarius  numerus,  qui  temere  indoctorum  hominum  confictus  audacia  stulta  mundi  credulitate  obrepsit,  quasi  sacer  retineatur.  Subinde  obtestandi  sunt  mihi  lectores,  ut  causae,  quae  tractatur,  magnitudinem  pondusque  reputent.  Sacramenta  instituit  Christus,  ut  sint  non  modo  symbola  verae  religionis,  quae  filios  Dei  a  profanis  hominibus  discernant,  sed  testimonia  quoque  divinae  erga  nos  gratiae,  adeoque  pignora.  In  1)  Nunc  sibi  .  .  .  ostendat,  om.  in  versione.  2)  Add.  comme  si  c'estoit  entre  les  bestes.  3)  quelque  diable  qui  soit  la  assis.