49:618  au  double.  Et  c'est  ce  que  nous  avons  a  retenir  maintenant,  que  quand  le  diable  aura  attire  les  hommes,  et  qu'il  les  aura  allechez  pour  inventer  des  services  volages,  il  les  enveloppe  tellement  que  sans  fin  et  sans  mesure  ils  se  desbordent  a  des  choses  mesmes  qu'ils  auront  condamnees,  et  qu'ils  confesseront  estre  meschantes.  Nous  en  avons  assez  d'exemples  en  la  Papaute.  Quand  on  y  fera  la  feste  d'un  sainct,  n'est-il  pas  licite  de  se  crever  en  toute  intemperance,  et  de  se  desbaucher  en  telle  sorte  qu'on  ne  scaura  plus  si  les  hommes  sont  devenus  des  pourceaux  ou  autres  bestes  brutes?  Quant  aux  pelerinages,  qu'est-ce  auiourd'huy  sinon  le  plus  grand  moyen  de  macquerelage  qui  soit  au  monde?  Car  quand  on  fera  quelque  voyage  de  voeu,  tout  y  est  licite:  et  on  s'accouple  la  comme  chiens  et  chienes,  tellement  que  la  pluspart  de  ce  qu'on  appelle  en  la  Papaute  service  de  Dieu,  n'est  autre  chose  sinon  une  caverne  de  brigans:  comme  le  Prophete  Ieremie  le  reprochoit  a  ces  hypocrites,  qui  cuidoyent  servir  Dieu  par  leurs  pompes  et  menus  fatras:  mais  ceci  se  fait  encores  plus  lourdement  en  la  Papaute  qu'il  n'estoit  pas  du  temps  du  Prophete,  car  on  voit  la  qu'ils  s'enyvrent  en  leurs  dissolutions  et  intemperances.  Et  qourquoy?  Ho,  c'est  en  l'honneur  du  benoist  sainct.  Apres,  quand  ils  feront  leurs  danses,  leurs  ieux  et  autres  eebats,  on  ne  verra  sinon  un  meslinge  confus  de  toute  dissolution:  que  prestres,  et  moines  et  croix,  et  eau  benite,  tout  dansera  :  qu'on  ne  scauroit  pis  faire  a  un  bordeau  que  comme  on  fera  en  des  grosses  villes,  la  ou  il  y  aura  tant  de  ceste  ver��  mine.  Mais  encores  qu'on  ne  prene  point  grand  pene  a  choisir  ceci  ou  cela,  on  trouvera  que  tout  ce  qui  est  appele  service  de  Dieu  en  la  Papaute,  sont  des  choses  que  les  hommes  mesmes  n'oseroyent  pas  approuver,  si  ce  n'estoit  ceste  fausse  couverture  du  nom  de  Dieu.  Or  avisons  a  nous:  car  tant  s'en  faut  que  nous  soyons  excusez  quand  nous  aurons  pretendu  ie  nom  de  Dieu,  pour  iustifier  ce  qui  est  mauvais,  que  cela  ne  servira  (comme  iay  dit)  sinon  d'agraver  le  peche.  Et  pourquoy?  Car  Dieu  ne  peut  souffrir  qu'on  prene  son  nom  en  vain.  Et  ainsi  soyons  admonestez  par  l'exemple  que  recite  sainct  Paul,  que  quand  on  aura  pris  coustume  de  se  desbaucher,  nostre  Seigneur  laschera  la  bride,  et  donnera  toute  vertu  a  Satan  :  et  on  sera  tout  esbahi  qu'il  n'y  aura  plus  nulle  discretion  ne  prudence,  et  que  nous  cuiderons  que  le  blanc  soit  noir,  d'autant  que  nous  serons  mis  en  sens  reprouve,  pour  ce  que  Dieu  nous  aura  eslourdis,  comme  il  en  parle  par  ses  Prophetes.  Or  cela  nous  doit  faire  tant  plus  soigneusement  cheminer  sous  la  crainte  de  nostre  Dieu.  Car  nous  ne  scavons  gueres  bien  priser  que  c'est  de  nourrir  quelque  corruption.  Il  est  vray  que  du  commencement  on  dira  qu'il  ne  faut  point  42