35:618  abbaisse  en  sa  mort,  aussi  nostre  foy  trebuschera,  sinon  qu'elle  soit  soustenue  d'ailleurs.  Quand  donc  il  est  question  de  nous  arrester  a  nostre  Seigneur  Iesus  Christ,  y  avoir  plenement  nostre  refuge,  et  avoir  la,  nostre  fiance  comme  attachee,  nous  regardons,  Et  comment?  le  voyla  tellement  aneanti  en  sa  mort,  qu'il  nous  semble  que  c'en  est  fait.  Or  il  nous  faut  venir  a  ce  que  le  Prophete  nous  propose  yci:  c'est,  qu'ayant  este  abbatu  en  la  mort,  Dieu  l'a  exalte  par  dessus  toutes  creatures.  Et  voyla  aussi  qui  doit  eslever  nostre  foy  iusques  au  ciel.  Quoy  qu'il  en  soit,  apprenons  de  n'estre  point  scandalizez,  voyans  que  le  Fils  de  Dieu  a  este  crucifie,  et  qu'en  sa  personne  il  a  souffert  tout  opprobre,  et  qu'encores  auiourd'huy  on  le  desdaigne  en  ses  membres,  on  luy  fait  toutes  les  contumelies  du  monde;  que  cela,  di-ie,  ne  nous  desbauche  point,  que  tousiours  nous  ne  demeurions  fermes  en  la  Foy  de  son  Evangile.  Or  d'autant  que  ce  combat  est  difficile,  voyla  pourquoy  le  Prophete  nous  ramene  a  la  cause  pourquoy  nostre  Seigneur  Iesus  a  souffert,  car  a  la  verite  iamais  nous  ne  pourrions  nojo��  arrester  au  Fils  de  Dieu,  iusques  a  ce  que  nous  ayons  cognu  le  fruit  qui  nous  revient  de  sa  mort  et  passion*  Et  pourquoy?  De  prime  face  (comme  i'ay  dit)  cela  sera  condamne  comme  follie,  que  celuy  qui  est  l'autheur  de  vie  soit  homme  mortel,  qu'il  meure,  voire  et  non  pas  d'une  simple  mort,  maie  d'une  mort  ignominieuse  et  maudite  de  Dieu:  qu'il  soit  la  pendu  au  gibbet,  comme  un  brigand.  Quand  donc  nous  verrons  tout  cela,  il  est  certain  que  nous  serons  preoccupez  d'un  desdain,  et  iamais  nous  ne  pourrons  venir  a  Iesus  Christ.  Mais  voyci  le  vray  remede,  que  nous  cognoissions  pourquoy  il  est  mort,  comment  sa  mort  a  profite  en  nous,  et  le  bien  que  nous  en  recevons:  alors  tous  les  scandales  seront,  abolis.  Exemple:  Si  ie  suis  la  trouble  de  fascberie,  quand  ie  regarde  que  le  Fils  unique  de  Dieu  a  e&iie  comme  foulle  au  pied,  et  detestable  devant  les  hommes,  il  faut  que  i'entre  en  moy  :  car  si  ie  ne  regarde  qu'a  Iesus  Christ,  ie  m'en  destourneray,  et  n'en  tiendray  conte:  mais  si  ie  regarde  a  moy  en  pre-*  mier  lieu,  et  que  ie  viene  puis  apres  a  luy,  voyla  comme  ce  qu'il  a  souffert  me  sera  de  bonne  saveur.  Comment?  Si  ie  regarde  que  ie  suis  un  povre  pecheur,  et  que  i'ay  provoque  l'ire  de  Dieu  contra  moy,  tellement  qu'il  faut  qu'il  soit  ma  partie  adq  verse,  et  mon  iuge.  Si  donc  ie  pense  a  mes  peche^  et  que  la  dessus  ie  viene  a  concevoir  combien  c'eajb  une  chose  horrible  et  espouvantable,  que  l'ire  ete  Dieu,  et  qu'il  soit  mon  Iuge  pour  m'abysmer,  alors  ie  viendray  a  dire,  Or  ca  quel  moyen  as-tu  pour  appointer  avec  Dieu?  luy  pourras-tu  apporter  quelque  chose  qui  puisse  satisfaire,  voire  seulement  pour  la  moindre  offense  que  tu  as  commise?  Helas  non.  Quand  i'auray  circuy  et  terre  et  mer,