25:618  crainte.  D'autre  coste  que  nous  soyons  instruits  et  sollicitez  pour  venir  a,  luy,  et  cercher  en  luy  tout  bien  et  tout  ce  qui  appartient  a  nostre  salut.  Nous  voyons  donc  que  non  sans  cause  Moyse  appelle,  Loy  ou  doctrine,  le  recit  qu'il  fait  des  choses  advenues:  pource  que  le  peuple  par  ce  moyen  doit  estre  conduit  a  Dieu-  et  doit  estre  edifie  en  bien.  Et  ainsi  notons  quand  nous  lisons  les  histoires  sainctes,  que  ce  n'est  pas  pour  savoir  seulement  ce  qui  a  este  fait,  afin  que  nous  en  sachions  parler:  mais  la  nous  devons  contempler  la  grace  de  Dieu  sur  ses  fideles,  quand  il  les  a  delivrez:  nous  devons  aussi  cognoistre  comme  il  a  exerce  les  siens  en  patience,  comme  il  les  a  fait  passer  par  beaucoup  d'afflictions,  afin  que  leur  foy  fust  esprouvee:  apres,  comme  iamais  il  ne  les  a  abandonnez  au  besoin  et  a  la  necessite  extreme:  nous  devons  considerer  les  iugemens  qu'il  a  faits,  chastiant  ceux  qui  avoyent  failli,  et  qui  avoyent  transgresse  sa  volonte.  Quand  nous  avons  ce  regard-la  et  une  telle  discretion,  les  histoires  nous  seront  comme  doctrine:  car  nous  en  serons  mieux  asseurez,  que  si  Dieu  nous  declairoit  simplement  ce  qu'il  requiert  de  nous,  et  ce  qui  est  de  nostre  office.  Voila  donc  ce  que  nous  avons  a  retenir,  et  ce  nous  sera  un  bon  preparatif  pour  les  choses  qui  sensuivront.  Car  autrement  on  penseroit  que  ceci  nous  seroit  inutile,  de  savoir  que  Moyse  a  eleu  gens  pour  gouverner  le  peuple,  que  le  peuple  d'autre  coste  n'a  point  suyvi  ce  que  Dieu  luy  commandoit,  de  poursuyvre  ses  ennemis,  et  choses  semblables.  Et  de  quoy  cela  nous  appartient  il?  dirons-nous.  Mais  pource  que  nous  sommes  admonestez  que  tout  cela  concerne  nostre  instruction:  il  faut  l'appliquer  a  tel  usage  qu'il  n'y  ait  rien  oisif,  cognoissant  que  Dieu  a  procure  nostre  salut,  quand  il  nous  a  mis  comme  en  peinture  les  choses  qui  auiourd'huy  nous  appartiennent,  et  qui  peuvent  estre  appropriees  a  nostre  instruction.  En  ce  qu'il  est  dit:  Que  c'est  assez  que  le  peuple  ait  demeure  en  la  montagne  d?  Horeb  quelque  temps.  En  cela  voyons  nous  que  Dieu  n'a  point  voulu  retirer  les  enfans  d'Israel  de  la  servitude  d'Egypte,  pour  leur  mettre  la  bride  sur  le  col,  afin  qu'ils  allassent  ou  bon  leur  sembleroit,  mais  il  a  voulu  estre  leur  gouverneur  perpetuel.  Et  voyla  qui  nous  doit  bien  servir:  car  nous  avons  un  tesmoignage,  qife  quand  Dieu  nous  recoit  pour  son  peuple,  que  ce  n'est  point  pour  un  iour  ne  pour  deux  tant  seulement:  mais  qu'il  veut  avoir  un  soin  perpetuel  de  nous  iusques  en  la  fin:  qu'il  ne  nous  veut  point  laisser  au  milieu  du  chemin:  mais  qu'il  veut  continuer  a  nous  conduire,  iusques  a  ce  que  nous  soyons  venus  a  nostre  droit  but.  Et  c'est  une  doctrine  bien  utile:  car  que  seroit-ce  si  Dieu  pour  un  coup  nous  bailloit  sa  Loy,  et  qu'il  nous  mist  en  bon  train,  et  qu'il  nous  laissast