9:617  617  A  UN  HOLANDOIS.  618  ceremonie  morte,  mais  la  puissance  vive  de  Dieu  (Rom.  1,  16).  S'il  concluoit  que  la  sainctete  des  fideles  n'est  point  d'avoir  belle  monstre  en  feintise,  ce  seroit  tresbien  dit:  et  c'est  ce  que  nous  preschons  :  mais  qui  est-ee  qui  luy  souffrira  de  sauter  du  coq  a  l'asne,  Que  toute  reverence  exterieure  qu'on  porte  a  Dieu,  n'est  que  folie  et  vanite?  Plustost  il  convient  suivre  la  reigle  de  nostre  Seigneur  Iesus  Christ,  qu'en  faisant  l'un  on  ne  laisse  pas  l'autre  derriere  (Matth.  23,  23).  En  alleguant  le  septiesme  des  Romains  (v.  4)  pour  monstrer  que  les  ceremonies  de  la  Loy  sont  abolies  par  la  mort  et  resurrection  de  Iesus  Christ,  il  falsifie  vileinement  le  texte  qui  n'approche  nullement  de  ce  propos.  Mais  encores  que  ie  luy  accorde  ce  qu'il  demande:  ce  n'est  pas  a  dire  que  toutes  ceremonies  en  general  soyent  abolies.  Car  il  ne  faut  pas  mettre  le  Baptesme  et  la  Cene  en  mesme  rang  que  la  Circoncision,  et  l'agneau  paschal.  Ie  scay  bien  que  ce  fantastique  rjicje  tout  indifferemment:  mais  tant  moins  est-il  supportable  entre  tous  ceux  qui  ont  la  crainte  de  Dieu.  Il  s'efforce  puis  apres  de  reprouver  ce  que  nous  disons,  quant  a  fuir  les  scandales,  et  commence  par  la  sentence  de  sainct  Paul,  ou  il  exhorte  les  Corinthiens  a  se  donner  garde  que  leur  liberte  ne  face  point  chopper  ou  fourvoyer  les  infirmes,  et  qu'il  vaudroit  mieux  ne  manger  iamais  chair,  que  de  scandalizer  son  prochain  (L  Cor.  8,  13  et  10,  32).  Sur  quoy  il  cuide  avoir  belle  occasion  de  se  moquer  de  nous.  Oar  s'il  y  a  liberte,  dit-il,  la  chose  n'est  point  mauvaise  de  [page  58]  soy.  Qu'est-il  mestier  de  beaucoup  plaider  pour  rabattre  Farrogance  de  ceste  beste?  Tous  mes  escrits  monstrent,  que  S.  Paul  parle  la  des  choses  indifferentes,  qui  ne  sont  ne  bonnes  ne  mauvaises,  sinon  pour  la  consequence.  Mais  s'ensuit-il  que  toutes  soyent  telles?  c'est  autant  comme  si  quelqu'un  en  alleguant  le  dire  de  S.  Pierre,  que  nostre  liberte  ne  doit  pas  estre  un  voile  de  licence  charnelle  (1.  Pier.  2,16)  concluoit,  Quil  nous  et  donc  libre  de  paillarder  et  yvrongner.  On  voit  donc  comme  cest  estourdi  renverse  tout,  voulant  faire  a  croire,  que  nous  assubiettissons  a  tort  les  consciences  a  des  choses  qui  leur  sont  permises.  Car  voicy  que  nostre  doctrine  porte:  c'est,  Que  si  on  se  doit  abstenir  des  choses  licites,  quand  il  y  a  quelque  souspecon  d'idolatrie  pour  troubler  les  rudes  et  debiles:  par  plus  forte  raison  ceux  qui  font  des  actes  du  tout  mauvais  (comme  de  s'agenouiller  devant  une  idole)  sont  a  condamner.  S.  Paul  commande,  qu'on  se  deporte  de  toute  apparence  de  mal  (1.  Thess.  5,  22):  s'ensuit-  il  de  la,  qu'il  n'y  ait  mal  qu'en  apparence?  Or  voici  a  quoy  tend  ce  brouillon:  que  si  nous  avons  liberte  en  quelque  endroit,  elle  est  en  tout  et  par  tout.  Cependant  il  cuide  s'estre  tresbien  depesche