5:617  Pource  qu'il  y  avoit  quelque  esperance  de  condescendre  a  commencement  d'accord  et  de  reformation,  l'Empereur  commanda  a  ceulx  qu'il  avoit  depute  de  la  partie  des  Protestans,  de  luy  noter  par  ordre  les  abuz  qu'ilz  improuvent  en  l'Eglise,  et  desireroyent  estre  corrigez:  affin  que  quand  on  viendroit  iusques  la,  qu'on  fust  plus  amplement  adverty  de  ce  qui  seroit  de  faire:  [fol.  126]  ainsi  oultre  la  responce  commune  que  nous  avons  desia  mise,  furent  composez  deux  traictez  des  abuz  ecclesiastiques  par  Philippes  Melancthon  et  Martin  Bucer,  lesquelz  ilz  presenterent  a  l'Empereur.  D'aultant  que  c'est  matiere  conioincte  avec  la  response  faicte  au  nom  des  Estatz,  nous  avons  advise  de  les  mettre  consequemment  apres  icelle.  1)  --------------  DE  LA  REFORMATION  DES  ABUZ  ECCLESIASTIQUES  PAR  PHILIPPE  MELANCTHON.2)  Puis  que  le  premier  et  principal  esgard  qui  doit  estre  en  l'Eglise,  est,  que  l'Evangile  soit  droictement,  purement  et  clairement  enseigne,  il  seroit  bon  et  profitable  de  mettre  en  avant  quelque  sommaire  de  la  doctrine  Evangelique,  comme  une  institution  briefve  de  Dieu,  des  troys  personnes  en  la  divinite,  de  la  creation,  du  peche  originel,  de  Christ  et  finalement  de  tous  les  aultres  articles  du  Symbole.  Il  seroit  aussi  utile  que  les  articles  accordez  fussent  comprins  en  ce  sommaire  :  car  par  ce  moyen  plusieurs  seroyent  instruictz  et  les  Eglises  petit  a  petit  s'accorderoyent.  Il  fault  aussi  se  donner  garde  que  les  sermons  ordinaires  es  iours  de  festes  ne  soyent  delaissez,  et  que  ceux  qui  president  ayent  la  cure  et  esgard  a  ce,  que  les  Pasteurs  preschent  choses  chrestiennes,  et  utiles  pour  edification  et  convenables  aux  temps.  Et  qu'en  la  fin  de  leurs  sermons,  ilz  adioustent  une  exhortation  a  penitence  avec  absolution  publicque  et  oraisons  pour  les  necessitez  presentes,  en  quelque  temps  que  ce  soit.  1)  Ces  lignes  sont  de  Calvin  et  peuvent  servir  d'introduction  aux  deux  memoires  suivants.  2)  Voyez  Bucer,  Actes  latins  p.  115,-  Actes  allemands  1185;  Melanchthon  OEuvres  Witt.  IV.  p.  681;  et  Consilia  latina  I.  432;  Bretschneider,  Corpus  Res.  IV.  p.  542;  Hergang,  Begensb.  Beligionsgesprach  438.  Le  memoire  fut  pre'-  sente  en  latin  et  en  allemand  le  17  ou  le  18  juillet