49:617  617  SUR  L'EPITRE  AUX  CORINTHIENS  618  sentiront  que  Dieu  ne  veut  point  estre  mocque,  et  que  c'est  son  office  de  surprendre  les  plus  fins  et  les  plus  sages  du  monde  en  leurs  astuces  et  cauteles.  Mais  tant  y  a  que  telles  gens  sont  effrontez  comme  des  putains  quand  ils  osent  dire  qu'il  n'y  a  point  d'idolatries  ou  que  ce  n'est  point  mal  fait  quand  ils  se  contreferont  iusques  la,  de  ravir  a  Dieu  l'honneur  de  sa  maieste  pour  l'attribuer  a  une  chose  morte.  Retenons  bien  donc  que  ce  n'est  point  assez  que  nous  ne  soyons  point  abreuvez  de  mauvaise  opinion  et  des  erreurs  des  Payens  et  incredules,  mais  il  faut  quant  et  quant  que  nous  facions  telle  protestation  de  nostre  foy,  que  Dieu  soit  honore  de  nous.  Ainsi  donc  comme  desia  nous  avons  dit,  scachons  que  le  moyen  et  la  regle  de  bien  servir  Dieu,  c'est  de  nous  tenir  a  sa  simpie  volonte,  comme  elle  nous  est  declaree  en  l'Escriture  saincte.  Or  maintenant  ceux  qui  font  semblant  d'approuver  les  abominations  que  Dieu  condamne,  et  qui  sont  aussi  pour  le  despiter,  et  abolir  sa  gloire  et  son  service:  ie  vous  prie,  ceux  la  soot-ils  a  excuser?  Ainsi  pensons  a  nous,  et  que  ceci  nous  viene  en  memoire  puis  que  nostre  Seigneur  nous  a  declare  par  l'exemple  que  recite  sainct  Paul,  combien  l'idolatrie  luy  est  execrable,  que  chacun  s'en  retire,  et  que  nous  demeurions  im��  polus,  et  mettions  peine  de  servir  tellement  a  Dieu,  qu'en  nostre  vie  nous  ne  puissions  prendre  licence  de  decliner  ca  et  la  apres  les  corruptions  et  les  meslinges,  qui  seroyent  pour  abolir  le  service  de  Dieu  ou  le  corrompre.  Voyla  donc  quant  a  ce  point.  Revenons  maintenant  a  ce  qui  a  este  touche:  c'est  a  scavoir  que  les  Paiens  ont  este  si  despourveus  de  sens  et  de  raison,  qu'il  leur  a  semble  que  c'estoit  un  service  bien  agreable  a  Dieu,  que  de  se  desborder  en  beaucoup  de  vilenies:  voire  lesquelles  eux  mesmes  cognoissoyent  assez  :  mais  il  leur  sembloit  que  ce  qui  estoit  mal  de  soy  et  de  sa  nature,  estoit  sanctifie,  puis  que  ceste  couleur  du  nom  de  Dieu  y  estoit.  Il  est  vray  que  Dieu  sanctifie  bien  tout  ce  qu'il  ordonne:  mais  quand  nous  abusons  faussement  de  son  nom,  il  ne  faut  pas  penser  que  ce  que  nous  avons  controuve,  soit  iustifie,  quand  le  nom  de  Dieu  sera  mesle  parmi  :  mais  le  peche  en  est  double.  Il  est  dit,  Tu  ne  prendras  point  le  nom  de  l'Eternel  ton  Dieu  en  vain.  Or  il  est  vray  que  Dieu  specifie  la  les  sermens,  quand  il  nous  a  defendu  de  nous  pariurer,  ou  bien  prendre  son  Nom  a  la  volee:  mais  cependant  si  faut-il  que  nous  estendions  plus  loin  ceste  doctrine  :  c'est  que  le  nom  de  Dieu  nous  soit  en  telle  reverence,  que  nous  ne  le  tirions  ne  la  ne  la,  qu'il  ne  soit  point  deschire  pour  nous  en  iouer  ainsi  que  d'une  pelote:  comme  on  voit  que  les  hommes  font,  quand  ils  couvrent  du  nom  de  Dieu  leurs  superstitions.  Or  donc  ceux  qui  abusent  ainsi  du  nom  de  Dieu,  sont  coulpables  Calvini  opera.  Vol.  XLIX.