35:617  617  DE  LA  PROPHETIE  DE  CHRIST.  618  dale  est  demeure  apres  la  resurrection  de  nostre  Seigneur  Iesus  Christ,  comme  S.  Luc  en  parle,  que  les  Pavens  ont  eu  Iesus  Christ  comme  en  mocquerie:  et  les  Iuifs  se  sont  armez  en  venin  et  en  malice  contre  luy,  et  se  sont  heurtez  comme  a  la  pierre  de  scandale.  Et  auiourd'huy  encores  nous  voyons  tels  exemples  de  nostre  temps.  D'autant  plus  nous  faut-il  retenir  ceste  doctrine,  c'est  qu'il  a  falu  que  le  Fils  de  Dieu  ait  este  ainsi  sans  forme  et  sans  beaute,  qu'il  n'ait  eu  rien  en  luy  pourquoy  on  le  deust  priser:  ie  di  quant  a  l'opinion  des  hommes:  car  il  nous  faut  tousiours  noter  ce  qui  est  dit  au  premier  chapitre  de  S.  Iehan,  que  la  gloire  du  Fils  unique  de  Dieu  est  apparue  en  luy:  mais  il  y  a  eu  beaucoup  d'aveugles  qui  n'ont  point  cognu  cela.  Ainsi  quand  le  Prophete  Isaie  declare  que  Iesus  Christ  sera  comme  tout  desfigure,  qu'il  n'y  aura  que  deformite  en  luy:  par  cela  il  signifie  que  les  hommes  ne  pourront  pas  en  leur  sens  naturel  cognoistre  qu'il  a  este  envoye  pour  leur  salut,  et  qu'il  ait  toute  puissance  et  de  vie  et  de  mort,  et  que  toute  plenitude  de  iustice,  de  sagesse,  et  de  sainctete  soyent  [en  luy.  Les  hommes,  di-ie,  ne  pourront  concevoir  cela  en  leur  cerveau.  Voyla  comme  il  nous  faut  prendre  ce  passage:  car  combien  que  nostre  Seigneur  Iesus  ait  fait  des  miracles  qui  ont  testifie  de  sa  vertu  Divine,  si  est-ce  que  tousiours  il  n'a  pas  laisse  d'estre  desfigure,  et  les  incredules  n'y  ont  veu  goutte.  Tousiours  donc  ce  passage  du  Prophete  a  este  accompli,  que  lesus  Christ  n'a  point  eu  de  beaute  qui  attirast  les  hommes:  car  il  n'est  point  yci  parle  seulement  du  visage:  mais  le  Prophete  en  son  Nom  parle  de  toute  la  condition  de  nostre  Seigneur  Iesus  Christ.  Il  est  bien  dit  au  Pseaume  45,  qu'il  devoit  estre  esleve  en  beaute,  voire  par  dessus  tout  le  genre  humain:  mais  ceste  beaute-la  est  spirituelle,  suyvant  ce  que  desia  nous  avons  dit,  que  la  gloire  du  Fils  de  Dieu  est  apparue  en  luy:  voire,  pour  ceux  qui  ont  eu  les  yeux,  et  qui  Tont  peu  contempler.  Voyla  donc  nostre  Seigneur  Iesus  Christ  qui  a  surmonte  en  beaute  tous  les  hommes:  car  Dieu  luy  a  donne  des  marques  infaillibles,  par  lesquelles  on  a  cognu  que  vrayement  il  estoit  l'image  vive  de  Dieu  son  Pere.  Il  y  a  donc  assez  de  raison  pour  magnifier  nostre  Seigneur  Iesus  Christ,  mais  cela  a  este  cache  au  monde.  Ainsi  il  nous  faut  tousiours  revenir  a  ce  que  dit  le  Prophete,  que  chacun  luy  a  tourne  le  dos,  que  chacun  luy  a  ferme  les  yeux,  comme  a  une  chose  detestable.  Comment?  d'aller  chercher  ma  vie  en  la  mort,  d'aller  chercher  mon  esperance  en  celuy  qui  ne  s'est  peu  secourir?  de  chercher  ma  vertu  en  celuy  qui  a  este  si  debile?  et  qui  seroit-ce?  Brief,  nous  scavons,  et  chacun  l'experimente  en  soy  par  trop,  que  selon  que  nostre  Seigneur  Iesus  Christ  a  este