25:617  617  SUR  LE  DEUTER.  CHAP.  I.  618  par  lesquels  Dieu  attire  a  soy  les  homines,  pour  les  gagner,  et  pour  en  iouir.  D'un  coste  il  les  chastie,  afin  qu'ils  apprennent  de  luy  obeir  comme  estans  sous  sa  main,  et  sous  son  authorite.  Et  a  l'opposite  il  use  de  douceur,  afin  de  se  rendre  amiable,  et  que  les  hommes  cognoissent  qu'il  n'y  a  meilleur  pour  eux,  que  d'adherer  a  celuy  duquel  ils  attendent  tout  bien.  Or  tous  les  deux  sont  ici  exprimez  par  Moyse,  c'est  assavoir,  que  le  peuple  avoit  langui  au  desert  par  l'espace  de  quarante  ans,  sentant  une  horrible  punition  de  Dieu,  pource  qu'il  s'estoit  ainsi  revolte:  et  toutesfois  qu'il  avoit  vaincu  Seon  et  Og,  et  les  rois  semblables,  non  point  de  sa  vertu  propre,  mais  d'autant  que  Dieu  luy  avoit  assiste.  Apprenons  donc  de  faire  nostre  proffit  tant  des  verges  de  Dieu,  quand  nous  en  serons  battus  apres  l'avoir  offense,  qu'aussi  des  graces  par  lesquelles  il  nous  testifie  qu'il  est  prest  de  recevoir  les  hommes  a  merci,  et  d'en  avoir  pitie  quand  ils  retournerent  a  luy.  Et  qu'une  telle  cognoissance  nous  rende  dociles:  quand  il  plaira  a  Dieu  de  nous  prescher  sa  parole,  que  nous  ayons  les  coeurs  ouvers  pour  la  recevoir:  que  nous  soyons  paisibles  pour  suyvre  ce  qu'il  nous  commande:  bref  que  nous  soyons  du  tout  obligez  a  sa  bonte.  Or  il  nous  est  ici  dit  que  Moyse  a  expose  la  Loy,  combien  qu'il  y  ait  un  mot  signifiant,  qu'il  luy  a  pleu,  qu'il  a  voulu  exposer  la  Loy.  Et  c'est  encore  pour  monstrer  qu'il  a  execute  sa  charge  d'un  franc  courage.  Car  il  se  pourroit  bien  faire  que  celuy  auquel  Dieu  commande  d'enseigneur  le  peuple,  s'en  acquittera,  mais  comme  par  force:  et  ceste  necessite-la,  quand  un  homme  la  regarde,  emporte  tousiours  une  contrainte:  tellement  que  tout  ce  que  nous  pourrons  faire,  ne  sera  rien  qui  vaille.  Et  aussi  les  ministres  de  la  parole  de  Dieu  sont  ici  exhortez,  non  seulement  d'annoncer  la  parole  qui  leur  est  commise:  mais  de  le  faire  avec  un  courage  franc  et  allaigre,  comme  aussi  S.  Paul  dit,  que  cela  est  requis,  et  proteste  qu'il  en  a  ainsi  fait.  Et  ainsi  que  l'exemple  tant  de  Moyse  que  de  S.  Paul  nous  serve  d'instruction.  Et  au  reste  notons  aussi,  que  sous  ce  mot  de  la  Loy,  est  comprins  le  recit  que  Moyse  fera  des  choses  qui  estoyent  advenues.  Il  est  vray  que  ce  mot  emporte  doctrine  et  instruction:  mais  encore  de  prime  face  on  pourroit  demander  quelle  instruction  il  y  a  quand  on  raconte  des  histoires.  Mais  ce  n'est  point  sans  cause  que  Moyse  a  ainsi  parle;  car  quand  Dieu  nous  reduit  en  memoire  et  nos  pechez,  et  les  biens  qu'il  nous  a  eslargis,  et  les  chastimens  que  nous  avons  soustenus  de  sa  main,  cela  nous  doit  enseigner  pour  nostre  profit:  ce  n'est  pas  pour  nous  faire  passer  le  temps  que  Dieu  nous  propose  telles  choses  :  mais  c'est  afin  que,  d'un  coste,  nous  soyons  mieux  disposez  pour  le  servir,  et  pour  nous  tenir  sous  sa