8:616  Neque  enim  absurdum  fait  octavo  die  circumcidi  infantes  sub  lege,  qui  tamen  non  ante  ederent  pascha,  quam  sacrae  caeremoniae  usum  perciperent.  Sic  enim  sonant  Mosis  verba:  Quum  rogaverint  filii  tui  et  filiae  tuae,  quid  hoc  sibi  vult?  docebis  eos,  ete.  Nona  ratio  est,  quod  bonus  dispensator  familiae  cibum  distribuat  tempore  suo.  Respondeo:  Ut  praeposterum  nos  ordinem  tenere  coarguat  Servetus,  probandum  in  primis  esse,  prohiberi  a  Christi  .gratia  infantes.  Decima  ratio,  quod  Christus  apostolos  iubeat  respicere  ad  regiones  quae  iam  albescunt,  et  paratae  sunt  ad  messem:  unde  sequitur  immaturam  frugem  perperam  colligi.  Quasi  vero  perpetuam  regulam  illic  Christus  praescribat  discipulis:  ac  non  potius  praesentem  laboris  fructum  ostendens  eos  ad  obeundum  alacriter  docendi  munus  magis  exstimulet.  Nego  igitur  illis  Christi  verbis  certos  apostolis  fines  praescribi  intra  quos  [pag.  220]  se  contineant,  sed  ex  re  praesenti  sumptam  esse  exhortationem.  Alioqui  non  quadraret  quod  dicit  Paulus,  ecclesiae  doctores  seminare  et  rigare.  Itaque  istis  Serveti  argutiolis  nihil  putidius  fingi  potest,  exspectandum  esse  donec  herba  crescat,  deinde  tenera  spica,  tertio  granum  integrum,  et  tandem  spica  maturescat.  Undecima  ratio  est,  quod  iidem  erant  in  prima  ecclesia  Christiani  et  discipuli.  Quasi,  ubi  de  solis  adultis  disseritur,  deleantur  ex  humano  genere,  ac  prorsus  intereant  infantes:  quia  in  eos  non  competunt  quae  viris  sunt  propria.  Ineptum  ergo  cavillum  est,  quod  infert  Servetus,  nullos  esse  Christianos  nisi  discipulos.  Quasi  tunc  sancti  patresfamilias  sobolem  suam  profanam  duxerint.  Duodecima  ratio  :  Quod  Christiani  omnes  fratres  sint,  infantes  vero  loco  fratrum  apud  nos  non  haberi  constet,  quia  a  sacra  coena  eos  repellimus.  Respondeo  aeque  ac  Corinthios,  vel  alios  quoslibet,  ex  Christi  discipulis  fuisse  latronem,  qui  ad  Christum  in  cruce  conversus  est,  quamvis  sacrum  panem  nunquam  gustaverit:  nec  fraterni  nominis  honore  spoliari  a  nobis  infantes,  dum  eos  non  ante  ad  sacram  coenam  admittimus,  quam  solidi  cibi  capaces  fiant.  Decima  tertia  ratio  est,  quod  nemo  frater  noster  fiat  nisi  per  spiritum  adoptionis,  qui  tantum  ex  auditu  fidei  confertur.  Respondeo,  quod  dicit  Servetus,  in  adultis  locum  habere:  sed  hunc  ordinarium  vocationis  modum,  quem  tenet  Dominus,  minime  obstare  quominus  occultam  vim  spiritus  in  pueris,  ubi  visum  est  exerceat.  Imo  quum  dicit  Paulus,  fidem  esse  ex  auditu,  ne  his  quidem  verbis  imponitur  Deo  necessitas  quin  arcano  instinctu  ad  se  trahat  discipulos,  quibus  de  evangelio  [pag.  221]  verbum  nunquam  factum  est.  Decima  quarta  ratio,  quod  Cornelius  accepto