7:616  faciendum  iure  scribit:  aut  in  eos  transfert  ius  sibi  commissum,  vel  ex  aequo  cum  illis  [pag.  113]  participat.  Nimium  vero  proterve  scripturis  ludunt,  quum  totam  ecclesiam  fingunt  in  nomine  ovium  comprehendi.  Ipse  quidem  pastor  fuit  ovium  Christi,  sed  quibus  operam  suam  impendit,  et  quam  late  se  extendere  potuit  eius  ministerium.  Nam  si  cum  plenitudine  potestatis,  ut  garriunt  mediatores,  praeesse  debuit  ecclesiis  omnibus,  inique  Paulus  agebat,  superiorem  illi  gradum  negando.  Et  quis  unquam  fando  audivit,  Petrum  quidquam  sibi  in  alienas  ecclesias  vendicasse?  Quin  potius  quum  ab  ecclesia  mittitur,  oBiemperat,  tanquam  unus  quilibet  ex  consessu.  Fuit  inter  alios  eximius,  nonx  nego,  et  pro  excellentia  donorum,  quibus  pollebat,  illi  honor  deferebatur,  ut  primas  teneret  quoties  erant  congregati.  Sed  aliud  longe  est,  orbi  universo  praeesse,  quam  praesidere  in  exiguo  hominum  coetu.  Sed  fingamus,  datum  fuisse  Petro  quantum  iactant.  Quis  tamen  concedet  patrimonium  fuisse  donatum,  quod  in  haeredes  transmitteret?  Successoribus  idem,  inquiunt,  quod  acceperat,  ius  reliquit.  Ergo  Satanam  esse  oportet,  quisquis  est  Petri  successor:  quoniam  hoc  elogio  insignitus  fuit.l)  Ubinam  fit  ulla  successionis  mentio?  Paulus,  quum  de  tota  ecclesiae  administratione  ex  professo  disserit,  neque  unum  constituit  caput,  neque  primatum  haereditarium  facit.  Et  tamen  illic  totus  est  in  commendanda  unitate.  Postquam  autem  commemoravit  unum  Deum  patrem,  unum  Christum,  unum  spiritum,  unum  corpus  ecclesiae,  unam  fidem,  unum  baptisma,  modum  conservandae  unitatis  describit:  quia  unicuique  pastorum  distributa  sit  gratia  secundum  mensuram,  qua  donati  [pag.  114]  sunt  a  Christo  (Ephes.  4,  4  seqq.).  Ubi  plenitudo  potestatis,  quum  singulos  ad  certum  modum  revocet?  Cur  non  unum  papam  mox  subiecit,  quo  nihil  ad  praesentem  causam  erat  commodius,  si  quidem  ita  res  tulisset?  2)  Demus  praeterea  sancitam  in  Petro  fuisse  primatus  in  ecclesia  perpetuitatem:  cur  tamen  Romae  potius  sedes  primatus,  quam  alibi  collocabitur?  Causam  allegant,  quia  fuerit  Petri  sedes.  Perinde  ac  si  quis  in  deserto  constituat  praecipuam  ecclesiae  iudaicae  sedem:  quia  illic  Moises  summus  omnium  propheta,  et  Aaron  primus  sacerdos,  usque  ad  mortem,  munere  suo  defuncti  sint.  Sed  valeat  haec  ratio.  Quid  Antiochia?  Romam  praeferunt:  quia  illic  mortuus  sit  Petrus.  At  probabiles  sunt  coniecturae,  unde  colligere  licet,  fabulosum  esse,  quod  de  romano  Petri  episcopatu  tradunt.  Complures  1)  Ie  laisse  cela,  prudenter  addit  Gallus,  2)  Add.  Quand  il  s'en  taist,  ce  n'est  point  par  oubly.  Concluons  donc  qu'il  n'en  estoit  rien.