49:616  s'il  voit  que  le  mal  soit  en  la  teste:  il  ne  luy  baillera  point  un  emplastro  en  la  iambe,  quand  la  racine  du  mal  sera  au  coeur,  ou  en  l'estomach,  ou  ailleurs.  Or  est-il  ainsi  que  la  doctrine  nous  doit  servir  de  remede  pour  nous  purger  de  tous  nos  vices.  Ainsi  donc  quand  nous  verrons  que  le  diable  aura  gaigne  iusques  la,  qu'un  peuple  se  desborde,  et  qu'il  y  ait  des  enormitez  grandes,  ou  bien  quoiqu'il  en  soit,  des  pechez  qui  desplaisent  a  Dieu,  et  que  de  plus  en  plus  nous  voyons  qu'on  s'y  endurcit,  et  que  de  coustume  on  fait  loy:  c'est  bien  raison  que  la  on  crie,  et  qu'on  n'attende  point  que  tout  soit  infecte,  et  que  les  maladies  soyent  incurables,  mais  qu'on  pourvoye  en  temps  et  en  lieu.  Or  maintenant  notons  ce  que  dit  sainct  Paul,  c'est  que  ceux  qui  sont  allez  aux  banquets  des  idoles,  ont  este  idolatres.  Maintenant  quelle  excuse  y  aurail  pour  ceux  qui  font  semblant  mesmes  d'adorer  les  idoles?  Comme  en  la  Papaute  ceux  qui  iront  a  la  Messe,  ceux  qui  se  mesleront  parmi  ies  autres  superstitions:  quand  ils  auront  allegue  que  leur  coeur  n'y  est  point,  et  qu'ils  font  cela  par  contrainte  et  necessite,  et  qu'ils  voudroyent  que  tout  fust  reforme  comme  il  appartient:  mais  d'autant  que  ce  n'est  pas  a  eux,  qu'il  faut  qu'ils  plient  et  qu'ils  calent  la  voile,  comme  on  dit:  quand  donc  ils  auront  amene  toutes  ces  excuses,  il  leur  semble  qu'ils  sont  bien  lavez  devant  Dieu  :  mais  c'est  autant  comme  s'ils  torchoyent  leur  bouche,  et  que  leur  main  fust  plene  d'encre  ou  de  boue:  et  ce  sera  pour  se  souiller  d'avantage.  Or  tant  y  a  que  c'est  une  impudence  par  trop  lourde,  de  dire,  Ie  m'en  vais  faire  semblant  d'adorer  une  idole:  ie  cognoy  que  tout  cela  n'est  rien:  et  pourtant  il  ne  faut  pas  que  cela  me  soit  impute  a  peche.  Voire?  et  ceux  qui  alloyent  seulement  aux  banquets,  combien  qu'il  n'y  eust  point  de  sacrifices,  qu'on  ne  s'agenouillast  point  devant  les  idoles,  qu'il  n'y  eust  point  de  blaspheme  qui  fust  prononce,  si  est-ce  qu'ils  sont  ici  condamnez  par  l'Esprit  de  Dieu.  Et  il  y  a  la  beaucoup  d'avantage.  Or  les  autres  disent,  encore  qu'il  y  ait  du  mal  et  du  vice,  si  ne  doit-on  point  nommer  cela  idolatrie.  Il  faut  donc  reprendre  le  langage  du  sainct  Esprit.  Voyla  de  grans  Rothoriciens,  quand  ils  voudront  enseigner  Dieu  comment  il  faut  parler.  Car  S.  Paul  notamment  dit  que  ceux  qui  pour  faire  la  bonne  mine  ont  este  en  un  banquet  avec  les  idolatres,  et  qui  se  sont  trouvez  a  des  ieux  meschans,  ont  este  idolatres  aussi  bien.  Si  nous  ne  pouvons  recevoir  cela,  il  faut  que  Dieu  se  retracte  de  ce  qu'il  a  une  fois  prononce.  Or  telles  gens  sentiront  ce  qu'ils  auront  gagne  avec  tous  leurs  subterfuges,  au  lieu  qu'en  toute  humilite  ils  doyvent  gemir  et  recognoistre  leurs  fautes,  et  se  rendre  coulpables,  voire  devant  le  monde:  quand  ils  se  mocquent  ainsi  par  leurs  excuses  frivoles,  ils