48:616  Christ,  on  leur  a  demande,  Et  vous,  n'estes-vous  pas  Galileens?  Et  encores  depuis  la  mort  de  Iesus  Christ  les  meschans  ont  use  de  ce  mot,  comme  nous  voyons  que  ce  meschant  qu'on  appeloit  Iulian  l'Apostat  disoit,  estant  a  la  mort,  Tu  m'as  vaincu,  Galileen:  maugreant  la  Iesus  Christ  et  le  despitant,  d'autant  qu'il  se  sentoit  estre  par  luy  surmonte.  Ainsi  les  Apostres  sont  yci  appelez  Galileene,  a  cause  qu'ils  estoyent  tenus  pour  gens  de  ce  pays-la.  Au  reste,  non  sans  cause  ils  sont  yci  reprins  des  Anges:  car  ils  scavoyent  bien  que  Iesus  Christ  devoit  monter  au  ciel,  car  plusieurs  fois  il  leur  avoit  predit,  et  mesmes  il  leur  disoit  II  est  expedient  pour  vous  que  ie  m'en  voise,  car  si  ie  ne  m'en  vay,  le  Consolateur  ne  viendra  pas  a  vous,  et  si  ie  m'en  vay,  ie  le  vous  envoy  eray.  Il  faut  donc  qu'ils  l'ayent  oublie,  veu  qu'ils  se  tienent  ainsi  regardans  en  haut  pour  en  veoir  l'issue.  Car,  comme  i'ay  dit,  il  leur  avoit  signifie  qu'il  estoit  expedient  qu'il  s'en  allast,  et  leur  avoit  predit  qu'il  faloit  qu'il  regnast  et  qu'ils  le  servissent  yci  cependant.  Il  leur  avoit  aussi  predit  qu'il  faloit  qu'il  assistast  devant  Dieu  son  Pere,  pour  interceder  pour  ses  fideles.  Mais  ils  monstrent  qu'ils  ont  mal  retenu  ce  qui  leur  avoit  este  tant  de  fois  remonstre.  Cependant  leur  ignorance  doit  servir  d'un  advertissement.  Car  ce  n'est  pas  pour  eux  seulement  que  ceci  est  dit,  mais  c'est  pour  nous  aussi.  Notons  donc  ce  qui  leur  est  dit  par  les  Anges,  afin  de  cognoistre  le  profit  qu'il  faut  que  nous  ayons  de  l'ascension  de  Iesus  Christ.  Quand  il  est  dit  qu'il  viendra  tout  ainsi  qu'ils  l'ont  veu  monter,  c'est  pour  monstrer  qu'il  ne  faut  point  que  nous  cherchions  Iesus  Christ  yci  bas,  sinon  quand  il  viendra  iuger  tout  le  monde.  Et  maintenant  quand  nous  le  chercherons,  il  faut  que  ce  soit  par  foy1,  qui  surmonte  toute  intelligence  humaine.  Voyla  le  premier  poinct  de  ce  passage,  lequel  est  bien  digne  d'estre  observe.  Car  selon  que  de  nature  nous  tendons  tous  en  bas,  il  est  bien  difficile  que  nous  ne  soyons  enclins  a  quelque  superstition  quand  on  nous  parle  de  l'ascension  de  nostre  Seigneur  Iesus  Christ.  Et  de  faict,  nous  voyons  ce  qui  en  est  advenu,  ascavoir  que,  combien  qu'il  soit  monte  au  ciel,  et  qu'il  soit  escrit  que,  quand  il  viendra  yci  bas,  ce  sera  ainsi  qu'on  l'a  veu  monter,  toutesfois  ceux  qui  se  sont  dits  Chrestiens  n'ont  pas  laisse  de  le  chercher  yci  bas.  Dont  est  venu  qu'on  cherche  Iesus  Christ  en  du  pain  et  du  vin,  et  qu'on  le  veut  enfermer  en  une  armaire,  et  qu'on  le  veut  porter  ca  et  la,  et  s'en  iouer  comme  d'une  poupee.  Dont  sont  venues  telles  superstitions,  sinon  que  nostre  nature  tend  en  bas  comme  une  pierre?  Et  quand  ie  di  que  nous  tendons  en  bas,  nous  y  voulons  tirer  Dieu  quant  et  quant,  avec  tout  ce  que  nous  cognoissons  de  luy,  et  voudrions  qu'il  fust  semblable  a  nous.  Nous  voyons  donc