25:616  Dieu  nous  aura  visite,  qu'il  nous  aura  envoye  quelques  corrections  pour  nous  humilier,  et  pour  abbatre  en  nous  ceste  ingratitude  et  malice  qui  est  trop  grande:  que  nous  advisions  de  nous  reduire,  et  de  retourner  a,  luy.  Et  quand  nous  aurons  fait  cela  en  general  pour  tout  le  corps  de  l'Eglise,  qu'un  chacun  aussi  en  son  prive  face  le  semblable.  Que  un  homme  qui  aura  este  esgare,  et  qui  n'aura  iamais  bien  cogneu  que  c'est  de  Dieu,  qui  ne  se  sera  point  assuietti  pleinement  a  la  bonne  doctrine,  si  Dieu  le  visite  par  maladie,  par  povreto,  ou  comment  que  ce  soit:  qu'il  regarde,  Helas!  l'Evangile  m'avoit  este  annonce:  mais  cependant  comment  est-ce  que  ie  l'ay  receu?  Ie  ne  savoye  que  c'estoit  de  mon  Dieu,  et  combien  que  i'aye  fait  profession  d'estre  des  siens,  toutesfois  cela  ne  m'a  point  touche  le  coeur  :  qu'est-il  de  faire  donc  maintenant?  puis  que  Dieu  me  veut  avoir  pour  son  escolier  c'est  bien  raison  que  ie  me  baille  du  tout  a  luy,  et  que  ie  luy  porte  telle  reverence  comme  ie  doy  a  mon  maistre  et  souverain  docteur.  Voila  de  quoy  nous  sommes  admonnestez  en  ce  passage,  quand  nous  voyons  que  nostre  Seigneur  par  tous  moyens  nous  veut  reduire,  et  qu'il  nous  abbat  ceste  rebellion  qui  est  en  nous,  qu'il  nous  argue  de  nos  vices,  et  que  voyant  que  nous  sommes  ainsi  esgarez,  il  nous  recueille  a  soy,  afin  de  savoir  chevir  de  nous,  que  nous  ne  regimbions  point  contre  l'esperon,  ainsi  que  i'ay  dit  :  mais  plustost  qu'avec  un  esprit  debonnaire  nous  demandions  d'estre  gouvernez  par  luy,  et  de  profiter  de  plus  en  plus  en  sa  parolle.  LE  DEUXIEME  SERMON  SUR  LE  CHAP.  I.  V.  3-8.  DU  LUNDI  25��  DE  MARS  1555.  Nous  avons  desia  dit,  que  la  doctrine  qui  est  ici  contenue,  n'a  pas  este  un  commencement  de  propos,  comme  si  le  peuple  eust  eu  cela  de  nouveau,  et  que  Dieu  ne  l'eust  pas  encores  enseigne:  mais  que  c'a  este  une  confirmation  de  ce  que  desia  Moyse  avoit  publie  en  Horeb,  pource  que  le  peuple  n'y  avoit  pas  si  bien  profite  qu'il  devoit:  mesmes  il  a  este  declare  que  Dieu  avoit  matte  par  l'espace  de  quarante  ans  ou  environ  ce  peuple,  qui  de  prime  face  estoit  trop  rebelle,  et  ne  pouvoit  prendre  le  ioug.  Pour  ceste  cause  le  temps  est  ici  marque,  afin  que  nous  sachions  que  le  peuple  devoit  estre  range  en  quelque  obeissance,  apres  un  chastiment  si  dur  et  si  long  qu'il  avoit  endure.  Au  reste,  il  y  a  une  autre  circonstance,  c'est  que  desia  le  peuple  avoit  eu  quelque  victoire  contre  Og  roy  de  Basan,  et  ses  voisins:  en  quoy  il  avoit  experimente  la  bonte  de  Dieu.  Or  i'ay  dit  que  cela  merite  d'estre  observe,  pource  que  ce  sont  les  deux  moyens