9:615  615  RESPONSE  616  que  tous  les  quatre  Evangelistes  n'ont  iamais  condamne  l'idolatrie  en  un  seul  mot.  Et  la  dessus  il  s'escrie  que  Iesus  Christ  qui  est  le  vray  medecin  ne  se  fust  pas  teu  de  ceste  maladie,  si  elle  eust  este  si  mortelle:  voire,  comme  s'il  n'eust  point  prononce  de  sa  bouche,  qu'on  ne  doit  adorer  exterieurement  qu'un  seul  Dieu  (Matth.  4,  9.  10).  Car  la  tentation  dont  il  estoit  assailli  par  Satan,  estoit  de  s'agenouiller:  comme  les  mots  y  sont  expres.  Il  respond,  qu'il  est  defendu.  Quelle  impudence  est-ce  de  nier  une  chose  si  notoire?  D'avantage,  en  commandant  si  estroitement,  et  avec  horrible  menace  a  ses  disciples  de  le  confesser  devant  les  hommes  (Matth.  10,  31.  33),  il  n'y  a  doute  qu'il  ne  comprenne  tout  ce  qui  appartient  a  la  confession  de  nostre  foy.  Et  en  [page  54]  menacant  ceux  qui  l'auront  nie  devant  les  hommes  qu'il  les  desadvouera  devant  Dieu  son  Pere,  il  est  bien  certain  qu'il  n'espargne  point  ceux  qui  auront  fait  semblant  de  s'accorder  avec  les  incredules.  Et  le  sens  naturel  monstre  cela,  que  c'est  une  offense  plus  enorme  de  s'agenouiller  devant  une  idole,  que  de  dire  quelque  mot  de  travers  pour  obscurcir  la  verite.  D'avantage  si  Iesus  Christ  a  parle  par  la  bouche  de  ses  Apostres,  tant  de  passages  que  i'ay  alleguez  ci  dessus,  doivent  bien  suffire  que  l'idolatrie  exterieure  n'est  pas  moins  defendue  par  luy  que  les  larcins,  meurtres,  et  paillardises.  Comme  aussi  sainct  Pierre  declare  assez  que  tous  fideles  en  doivent  estre  esloignez.  Car  voici  ses  mots:  C'est  assez  que  pour  le  temps  passe,  nous  ayons  accompli  la  volonte  des  Payens,  conversans  avec  eux  en  dissolutions,  cupiditez,  yvrongneries,  banquets  et  idolatries  profanes.  En  quoy  ceux  qui  mesdisent  de  vous,  s'esbahissent  que  vous  ne  courez  avec  eux  (1.  Pierre  4,  3).  Or  si  les  Chrestiens  se  fussent  donne  licence  de  faire  belle  mine  pour  gratifier  aux  payens,  en  pliant  le  genouil  devant  les  idoles,  il  n'y  eust  eu  nulle  occasion  de  s'esbahir.  Il  faut  donc  conclurre  qu'il  y  avoit  diversite  toute  manifeste  quant  a  cest  acte  exterieur.  Il  se  contredit  si  sottement,  que  s'il  avoit  quelque  honte,  il  devroit  estre  du  tout  rendu  muet  quand  il  dit,  que  nostre  Seigneur  Iesus  estant  interrogue  comment  on  pourroit  posseder  le  royaume  de  Dieu,  ne  renvoye  point  l'homme  a  ceste  purete  exterieure  que  ie  requier,  et  ne  luy  commande  pas  de  fuyr  les  pollutions  et  souilleures  [page  55]  de  Babylone:  mais  se  contente  qu'on  aime  son  prochain.  Or  les  lecteurs  voyent  le  texte,  ou  ils  trouveront  que  nostre  Seigneur  Iesus  dit  notamment  qu'on  garde  les  commandemens  (Matth.  19,  17),  entre  lesquels  cestuy-ci  dont  nous  parlons,  est  le  second,  de  ne  se  point  encliner  devant  les  idoles.  Si  ce  brouillon  avoit  une  demie  once  de  bon  cerveau,  eust-il  ose  produire  un  passage  qui  luy  est  si  contraire?  H  adiouste  que  nostre  Seigneur  Iesus  Christ  aime