8:615  615  REPUTATIO  ERRORUM  616  Quarta  ratio  est,  quod  nemo  spiritualis  initio    possit,  quia  praecedit  quod  animale  est,  1.  Corinth.  15.  Ministeria  autem  novi  testamenti  sunt  spiritus.  Ergo  non  possunt  a  puero  carnali  incipere.  Fateor  certe  omnes  posteros  Adae  nasci  irae  filios,  et  nihil  ah  utero  quam  mortem  afferre:  sed  praescriptum  divinitus  tempus  [pag.  218]  Servetus  ostendat,  quo  incipiat  spiritualis  vitae  novitas.  Nos  enim  solidis  et  claris  scripturae  testimoniis  freti,  simul  ac  nascuntur  infantes  ex  sanctis  parentibus,  Christum  dicimus  illis  manum  porrigere,  ut  a  communi  reatu  absolvat.  Quinta  ratio  ex  allegoria  sumitur,  quia  David  in  arcem  Sion  conscendens  nec  caecos  nec  claudos  secum  ducit,  sed  strenuos  milites.  Verum  si  quis  parabolam  opponat  in  qua  Deus  ad  coeleste  epulum  invitat  caecos  et  claudos,  quomodo  se  expediet  Servetus?  Ego  autem  nihil  aliud  respondeo,  nisi  claudos  et  mutilos  cum  Davide  prius  militasse,  ideoque  minime  esse  prohibendos  a  sacro  symbolo,  quo  Christus  rudes  et  novitios  in  suam  militiam  initiat.  Sexta  ratio  est,  quod  in  fluminibus  aquae  vivae,  quae  manat  ex  coelesti  Ierusalem,  piscatores  sunt  hominum  apostoli,  non  parvulorum:  quia  boni  piscatoris  est  pisciculos  non  attingere,  sed  maiores  tantum  ex  aquis  tollere.  Verum  si  quis  facetus  homo  contra  obiiciat,  in  rete  evangelii  promiscue  colligi  omne  piscium  genus,  nonne  cum  ludibrio  evanescet  Serveti  allegoria?  Ego  autem  respondeo,  bonos  doctores  ita  piscari  quos  sua  doctrina  Christo  acquirunt,  ut  eorum  sobolem  minime  reiiciant,  quae  in  ipsis  parentibus  sanctificatur,  teste  Paulo,  perinde  ac  proventus  novarum  frugum  in  primitiis.  Septima  ratio  est,  quod  spiritualibus  quadrent  spiritualia.  Infantes  vero  non  esse  spirituales,  Servetus  ipse  pro  confesso  sumit.  Respondeo  perverse  ab  eo  torqueri  quod  dicit  Paulus,  se  coaptasse  coelestem  sapientiam  simplicibus  verbis,  quae  spiritus  maiestatem  potius  quam  humanae  facundiae  delitias  resiperent,  [pag.  219]  Deinde  hoc  in  primis  evincat  necesse  est,  arceri  infantes  ab  omni  spiritus  gratia.  Quod  postea  subiicit,  spirituali  cibo  pascendos  esse,  si  facti  sint  novi  homines,  facile  discutitur,  quia  in  novam  vitam  regeniti  arcana  Christi  virtute  aluntur,  donec  per  aetatem  ad  coenam  recipiendam  sint  idonei.  Octava  ratio  est,  quod  Christus  omnes  Christianos  ad  coenam  suam  vocet.  Proferat  Servetus  testimonium,  ut  credamus.  Nam  Christus  nominatim  testatur  se  nullos  admittere  nisi  qui  ad  celebrandam  mortis  suae  memoriam  formati  sunt  et  edocti.  Quod  portentum  esse  dicit,  hominem  generari  qui  manducare  nequeat,  non  alia  responsione  indiget,  quam  Christum  vitae  cibum  esse  infantibus,  licet  ab  externo  symbolo  ad  tempus  abstineant.