49:615  615  SERMONS  616  lement  nous  rapportions  aux  idolatries  des  Payens,  ce  qui  est  contenu  en  l'Escriture  saincte,  et  que  seroit-ce?  Voyla  neantmoins  comme  en  font  les  Papistes:  car  quand  l'Escriture  crie  contre  les  idoles  et  les  superstitions,  ils  se  font  bien  a  croire  qu'il  est  la  parle  seulement  de  Iupiter,  de  Mars,  et  des  autres  idoles:  et  ne  coignoissent  pas  que  ce  qu'ils  ont,  est  du  tout  semblable.  Et  voyla  comment  ils  se  privent  de  la  doctrine  de  l'Escriture  saincte:  ils  l'obscurcissent  tellement  et  l'abastardissent,  qu'elle  ne  leur  peut  de  rien  servir,  et  n'en  recueillent  nulle  instruction.  Or  il  est  certain  que  Dieu  s'adresse  a  nous  en  toute  l'Escriture  saincte.  Et  ainsi  regardons  de  prendre  en  general  ce  qui  est  dit  des  idoles,  pour  condamner  ce  qui  est  contraire  et  repugnant  a  la  purete  du  service  de  Dieu.  Sur  cela  si  nous  demandons  quelle  est  la  regle  legitime  de  bien  servir  Dieu,  c'est  celle  qu'il  donne:  car  il  veut  avoir  toute  authorite  par  dessus  nous.  Ce  donc  qui  aura  este  forge  des  hommes  a  leur  fantasie,  n'est  que  mensonge  et  corruption:  c'est  pour  abastardir  la  vraye  religion.  Et  ainsi  voyla  comme  nous  devons  appliquer  l'Escriture  saincte  a  son  usage:  c'est  ascavoir  que  nous  pensions  a  nos  vices  et>  si  tost  que  Dieu  condamne  quelque  mal,  que  nous  avisions  bien  s'il  est  en  nous:  et  la  dessus  qu'un  chacun  soit  redargue,  et  que  nous  ne  soyons  point  incorrigibles,  quand  nostre  Seigneur  tasche  a  nous  ramener  au  bon  chemin,  et  ne  veut  pas  que  nous  croupissions  tousiours  en  nos  ordures.  Et  surtout,  que  ceux  qui  ont  la  charge  d'annoncer  la  parole  de  Dieu  ayent  ce  regard  la  et  ceste  prudence.  Car  si  seulement  nous  parlons  en  general,  que  Dieu  condamnera  les  pechez  des  hommes,  et  qu'en  la  fin  il  faudra  venir  devant  luy:  et  que  nous  eussions  cependant  les  yeux  fermez  a  ce  que  nous  verrons  des  scandales  et  corruptions  entre  nous,  ce  seroit  comme  desguiser  la  parole  de  Dieu,  tellement  qu'elle  n'auroit  plus  nulle  vertu.  Nous  verrons  les  paillardises  croupir:  nous  verrons  les  blasphemes,  nous  verrons  tant  de  autres  iniquitez  que  c'est  une  horreur,  il  n'y  aura  ne  loyaute  ne  foy  entre  les  hommes,  il  n'y  aura  ne  pitie  ne  compassion,  non  plus  qu'entre  des  bestes  sauvages,  tout  sera  plein  de  blasphemes,  malices  et  pariures.  Nous  verrons,  diie,  ces  choses  la,  nous  verrons  les  yvrongneries  et  intemperances:  puis  apres  nous  verrons  des  haines  et  inimitiez:  si  cela  est  dissimule,  et  qu'on  le  couvre  par  silence,  n'est-ce  pas  aneantir  la  parole  de  Dieu?  Et  ainsi  retenons  comment  c'est  que  nous  devons  ensuyvre  l'exemple  de  Sainct  Paul.  Car  pour  ce  qu'il  oyoit  ce  vice  dont  nous  avons  parle  avoir  la  vogue  entre  les  Corinthiens,  voyla  pourquoy  il  j  insiste.  Comme  quand  un  medecin  voudra  faire  son  office,  il  n'ira  point  graisser  le  talon  da  malade