48:615  615  SERMONS  616  de  nature  spirituelle,  nous  ne  les  pouvons  veoir,  sinon  qu'ils  se  monstrent  a  nous  en  quelque  forme  visible.  Voyla  pourquoy  nostre  Seigneur  a  voulu  des  le  commencement  qu'ils  s'apparussent  en  forme  d'hommes  :  mais  si  a-il  voulu  que  tousiours  il  y  ait  eu  en  eux  quelque  signe  pour  cognoistre  que  c'estoyent  Anges.  Car  si  nous  les  cognoissions  seulement  comme  hommes  mortels,  nous  ne  leur  ferions  pas  l'honneur  qui  leur  appartient,  et  cela  derogueroit  a.  l'apprehension  que  nous  devons  avoir  pour  adiouster  foy  a  leur  message.  Ainsi  Dieu  les  a  tousiours  signez  afin  qu'on  les  cognust.  Voyla  pourquoy  ii  est  dit  yci  qu'ils  estoyent  vestus  de  robbes  blanches  :  et  aussi  quand  Iesus  Christ  est  ressuscite  ils  sont  apparus  en  vestemens  blancs.  En  cela  nostre  Seigneur  a  voulu  monstrer  qu'il  faloit  que  les  hommes  en  receussent  en  reverence,  escoutans  ce  qu'ils  leur  annonceroyent,  sans  en  faire  aucune  doute.  Voyla  pourquoy  S.  Luc  dit  yci  qu'ils  sont  vertus  de  robbes  blanches.  Mais  il  faut  que  nous  notions  les  circonstances.  Car  il  n'y  en  a  pas  une  perdue  ne  que  Dieu  veuille  estre  omise:  comme  nous  scavons  que  sa  sagesse  s'estend  par  tout  et  qu'elle  est  infinie.  Au  reste,  si  les  Anges  ont  une  maieste  quand  ils  apparuissent  aux  hommes,  que  sera-ce  quand  Dieu  apparoistra  en  sa  gloire?  Car  la  clarte  de  la  maieste  de  ia  gloire  de  Dieu  n'est  pas  seulement  comme  la  clarte  du  soleil,  mais  plus  que  cent  mille  soleils  s'ils  estoyent  au  monde.  Ainsi  donc  quand  nous  voyons  que  les  Anges  nous  doyvent  estre  si  precieux,  et  que  nous  les  devons  avoir  en  si  grande  reverence,  il  faut  que  nous  regardions  que,  soit  qu'on  nous  parle  de  la  maieste  de  Dieu,  soit  que  nous  y  pensions,  il  faut  que  nous  l'ayons  en  grande  reverence,  et  que  nous  cognoissions  que  nous  ne  sommes  rien,  mais  qu'il  y  a  toute  maieste  en  luy.  Voyla  qu'il  nous  est  signifie  quand  il  nous  est  parle  de  la  maieste  des  Anges,  ouy  encores  qu'ils  ne  se  monstrassent  qu'en  forme  humaine.  Venons  a  ce  qu'ils  disent:  Hommes  Galileens,  pourquoy  vous  arrestez-vous  regardans  au  del?  Communement  on  pense  que  les  Apostres  soyent  yci  nommez  Galileens  comme  par  reproche:  ainsi  que  nous  voyons  que  les  Galileens  n'estoyent  pas  de  grande  estime  devant  les  hommes.  C'est  donc  selon  l'opinion  de  ceux-la,  comme  si  les  Anges  disoyent,  Povres  gens  hebetez  que  vous  estes,  ne  cognoissez-vous  pas  que  tout  ainsi  qu'il  est  monte  au  cie),  ainsi  il  reviendra  apres?  Mais  nous  ne  voyons  point  d'apparence  pourquoy  cela  ait  este  dit  en  ce  sens.  Et  pourtant,  cognoissons  que  les  Anges  ont  appele  les  Apostres  Galileens  pour  cause  qu'ils  estoyent  reputez  tels,  et  mesmes  que  Iesus  Christ  a  porte  ce  nom.  Et  quand  on  a  voulu  accuser  les  Disciples  d'estre  de  la  part  de  Iesus