25:615  615  SERMON  IL  616  par  l'espace  de  quarante  ans,  et  l'a  voulu  ratifier  tellement  an  peuple,  qu'apres  son  trespas  ses  successeurs  en  fussent  edifiez,  et  qu'encores  auiourd'huy  l'utilite  en  vienne  iusques  a��  nous,  et  que  nous  soyons  endoctrinez  de  toutes  les  admonitions  qui  sont  ici  contenues.  Tant  y  a  que  nous  voyons,  que  desia  le  peuple  devoit  bien  estre  matto  pour  se  renger  mieux  a  Dieu  que  il  n'avoit  point  fait.  Car  c'est  un  bon  terme  de  quarante  ans,  pour  disposer  un  homme  a  bien,  s'il  le  doit  estre.  Quand  on  verra  qu'un  homme  ne  veut  escouter  nul  conseil  ne  raison,  et  bien  si  on  le  laisse  ronger  son  frain  par  l'espace  de  quarante  ans,  lors  il  est  temps  ou  iamais,  qu'il  pense  a  soy  :  et  si  on  luy  remonstre  qu'il  a  failli,  qu'il  soit  mieux  dispose  et  meuri  qu'il  n'estoit.  Dieu  donc  voyant  que  son  peuple  luy  estoit  si  sauvage,  luy  a  donne  terme  et  loisir  de  s'apprivoiser,  et  l'a  pourmene  par  l'espace  de  quarante  ans:  et  il  l'a  fait  pour  leur  rebellion,  comme  nous  verrons  cy  apres.  Mais  pour  le  present  il  nous  faut  noter,  que  quand  Moyse  parloit  a  ce  peuple,  c'estoit  approchant  de  son  but,  pource  que  Dieu  le  devoit  retirer  du  monde,  et  aussi  que  le  peuple  devoit  estre  alors  comme  renouvele:  car  il  fut  dit  a  ceux  qui  avoyent  refuse  d'entrer  en  la  terre:  Vos  charongnes  pourriront  ici  au  desert:  vous  n'estes  pas  dignes  de  posseder  l'heritage  que  vostre  Dieu  avoit  promis  a  son  serviteur  Abraham.  Voila  donc  le  peuple  qui  avoit  este  comme  renouvele  au  bout  de  quarante  ans,  et  c'est  alors  que  Moyse  met  en  avant  la  Loy,  et  qu'il  parle  selon  le  commandement  de  Dieu:  Or  il  nous  faut  aussi  bien  appliquer  ceci  a,  nostre  instruction:  c'est  que  quand  nous  avons  este  si  mal  advisez  de  ne  point  porfiter  en  l'escole  de  Dieu,  que  nous  soyons  tousiours  demeurez  asniers,  ou  bien  que  nous  ayons  seulement  fleurete  sur  la  doctrine,  sans  qu'elle  ait  prins  une  droite  vivacite  en  nous:  si  Dieu  nous  donte,  et  que  par  succession  de  temps  il  nous  prepare  mieux  a  l'escouter,  que  nous  advisions  de  faire  nostre  profit  de  cela,  et  que  nous  ne  soyons  pas  incorrigibles.  Car  que  gagnerons  nous  en  la"  fin  quand  nous  aurons  este  tousiours  sauvages,  et  que  Dieu  ne  pourra  chevir  de  nous:  ne  sera-ce  point  a  nostre  confusion?  Ainsi  donc  tant  en  publique  qu'en  particulier,  advisons  de  faire  nostre  profit  de  cest  advertissement,  et  si  nous  avons  mal  receu  la  doctrine  qui  nous  a  este  preschee  desia  longuement:  que  nous  sachions,  puis  que  Dieu  encores  ne  nous  veut  point  quitter,  et  qu'il  use  d'une  telle  misericorde  envers  nous,  qu'encores  demande-il  de  nous  attirer  a��  soy:  que  nous  soyons  preparez,  que  nous  ne  soyons  point  ainsi  revesches.  Mais  apprenons  de  nous  apprivoiser,  et  que  la  doctrine  ait  son  entree  et  en  nos  esprits,  et  en  nos  coeurs.  Voila  comme  il  nous  en  faut  faire.  Et  au  reste,  quand