35:614  blable,  a  scavoir  que  l'Eglise  sera  seulement  comme  une  petite  poingnee  de  gens  qu'on  estimera  racaille,  et  que  mesmes  nous  serons  en  abomination  a  ceux  qui  auiourd'huy  ont  toute  la  vogue  au  monde,  que  pour  cela  nous  ne  perdions  point  courage.  Car  nous  voyons  comme  nostre  Seigneur  Iesus  Christ  est  apparu  du  commencement:  et  si  encores  il  veut  que  son  Royaume  soit  auiourd'huy  conserve  en  telle  facon,  que  cela  n'empesche  pas  que  nous  ne  venions  nous  ranger  a  luy.  Et  cognoissans  que  la  folie  de  Dieu  (comme  sainct  Paul  en  parle)  a  surmonte  toute  la  sagesse  des  hommes,  que  nous  ne  soyons  point  si  outrecuidez  de  nous  opposer  a  cela:  mais  cognoissons,  que  comme  Dieu  a  voulu  aneantir  son  Fils  aussi  l'a-il  voulu  exalter  par  dessus  les  cieux:  et  trouvons  bon  ce  qu'il  en  a  ordonne  en  son  conseil:  et  y  acquiescons.  Au  reste  notons  bien  ce  mot  qu'il  montera  devant  luy  quoy  qu'il  en  soit.  Si  par  nostre  orgueil  et  nos  despitemens  nous  cuidons  fouller  Iesus  Christ  au  pied,  et  le  tenir  sous  terre,  c'est  un  abus:  il  croistra  en  despit  de  toute  l'incredulite,  malice,  ingratitude  et  rebellion  des  hommes:  voire,  mais  ce  sera  devant  Dieu.  Or  il  est  vray  qu'il  croist  aussi  bien  devant  les  fideles:  car  ils  l'adorent  en  toute  obeissance,  et  cognoissent  que  le  nom  souverain  que  Dieu  luy  a  donne,  merite  bien  que  tous  plient  le  genouil  devant  luy,  Mais  notamment  le  Prophete  a  dit  qu'il  croistra  devant  Dieu,  faisant  yci  comme  une  balance  entre  les  hommes  qui  taschent  de  renverser  la  gloire  de  nostre  Seigneur  Iesus  Christ,  et  de  la  tenir  comme  supprimee:  et  Dieu  son  Pere,  qui  luy  prestera  la  main,  et  fera  que  rien  ne  puisse  empescher  qu'il  ne  parviene  au  fruit  de  sa  gloire  et  de  sa  maieste,  a  laquelle  il  a  este  appele.  Voyci  donc  le  sens  naturel  de  ces  mots,  que  nostre  Seigneur  Iesus  est  comme  un  surgeon:  voire  si  on  regarde  a  l'apparence  exterieure:  et  est  en  un  desert,  pource  qu'il  n'y  a  nuls  moyens  de  ce  monde  pour  le  faire  croistre,  mais  quoy  qu'il  en  soit,  il  croistra.  Et  comment?  Devant  Dieu.  Ainsi  donc,  ne  nous  esbahissons  plus  quand  les  hommes  se  mocqueront  de  la  doctrine  de  l'Evangile,  et  qu'elle  sera  comme  en  opprobre  a  cause  de  l'orgueil  qui  est  en  tous  incredules:  mais  quand  nous  verrons  les  ennemis  de  verite  estre  si  arrogans,  et  lever  les  cornes  contre  nostre  Seigneur  Iesus  Christ,  et  mesmes  batailler  contre  luy  avec  toute  furie,  destournons  nostre  veue  de  la:  que  nous  ne  soyons  pas  si  fols  de  mespriser  le  Fils  de  Dieu,  d'autant  que  la  louange  qu'il  merite  ne  luy  est  point  rendue  par  les  aveugles,  et  ceux  qui  sont  possedez  do  Satan,  et  qui  sont  ensorcelez  du  tout:  plustost  regardons  a  Dieu,  et  alors  nous  serons  bien  edifiez  en  nostre  foy.  Car  puis  que  Iesus  Christ  s'augmente  ainsi  en  la  presence  de  Dieu  son  Pere,  c'est  bien