25:614  luy  seul.  Voila  pour  un  item.  Mais  encores  y  ail  plus:  car  il  n'est  pas  seulement  dit,  que  Moyse  a  parle  selon  la  charge  qui  luy  estoit  donnee,  mais  selon  tout  ce  que  Dieu  luy  avoit  commande.  Il  monstre  donc  qu'il  na  point  fait  comme  un  meslinge,  qu'il  n'a  point  cherche  en  facon  que  ce  fust  d'apporter  ce  que  bon  luy  sembloit,  pour  se  separer  de  la  parolle  de  Dieu  :  mais  qu'il  a  suyvi  de  poinct  en  poinct  iusques  au  bout  ce  que  Dieu  vouloit.  Voila  donc  une  grande  simplicite  qui  a  este  en  Moyse,  c'est  qu'il  n'a  point  seulement  annonce  ce  qu'il  tenoit  de  Dieu:  mais  qu'il  a  demeure  du  tout  en  ceste  simplicite-la,  qu'il  n'a  point  passe  sa  mesure,  qu'il  n'a  point  voltige  pour  dire:  Ceci  est  bon,  i'ay  une  telle  opinion  de  ceci:  non,  mais  en  tout  et  par  tout  il  s'est  reigle  a  la  charge  de  son  office,  que  selon  qu'il  avoit  ouy  Dieu  parler,  il  a  annonce  le  message:  voila  pour  le  second.  Or  cependant  nous  sommes  admonestez  de  recevoir  la  doctrine  ici  contenue,  non  point  comme  venante  d'un  homme  mortel.  Moyse  a  parle,  protestant  qu'il  n'est  pas  le  maistre,  quand  il  nous  recordera  nostre  lecon:  mais  il  y  aura  tousiours  Dieu  et  son  sainct  Esprit,  il  y  aura  mesmes  nostre  Seigneur  Iesus  Christ,  en  la  main  duquel  la  Loy  a  este  donnee,  comme  sainct  Paul  en  parle.  Car  il  a  este  Gouverneur  de  l'Eglise  de  tous  temps.  Voila  donc  ce  que  nous  avons  ici  a  retenir,  voire  pour  recevoir  en  toute  reverence  et  sollicitude  ce  qui  nous  a  este  donne  par  la  main  de  Moyse.  Non  point  que  nous  estimions  que  rien  soit  procede  de  luy:  mais  que  Dieu  l'a  envoye,  qu'il  Ta  constitue  son  organe,  tellement  que  quand  nous  recevons  ce  qui  est  dit  par  Moyse,  nous  pouvons  estre  asseurez  que  Dieu  nous  conduit  et  gouverne  par  sa  pure  verite,  et  que  nostre  foy  n'est  point  appuyee  sur  les  hommes,  ne  sur  aucune  creature  caduque;  mais  que  le  Dieu  vivant  en  est  l'autheur,  et  en  sera  aussi  le  garent.  Or  apres  avoir  parle  ainsi,  il  dit:  Qu'il  a  recite  toutes  ces  choses  V  annee  quarantieme,  en  V  onzieme  mois,  et  au  premier  iour  du  mois.  Comme  s'il  estoit  dit:  Quand  le  peuple  a  approche,  et  qu'il  devoit  entrer  en  la  terre  promise,  alors  il  a  recapitule  la  Loy  de  Dieu,  il  en  a  fait  un  sommaire,  il  a  fait  un  recueil  do  toutes  les  remonstrances  et  exhortations  dont  il  avoit  use  auparavant.  Non  pas  que  Moyse  se  fust  teu  depuis  Horeb,  et  qu'il  eust  fait  silence:  car  (comme  nous  avons  dit)  il  n?a  cesse  de  crier  tousiours  apres  ce  peuple,  le  voyant  ainsi  dur  et  revesche,  le  voyant  d'un  col  dur  a  plier.  Mais  en  la  fin,  pource  qu'il  approchoit  de  son  but,  qu'il  avoit  acheve  sa  course  (comme  nous  verrons  son  trespas  en  la  fin  du  Livre)  pource  donc  qu'il  falloit  qu'il  fust  retire  de  ce  monde:  il  a  fait  un  recueil  de  toute  la  doctrine  qu'il  avoit  preschee  39*