9:613  613  A  UN  HOLANDOIS.  614  servir:  qui  est  encore  pis.  Au  reste,  ce  babouin  s'abuse  lourdement,  en  disant  que  le  peuple  n'a  point  estime  que  Dieu  l'eust  rachete  d'Egypte,  mais  que  c'estoit  le  veau.  Oar  au  contraire  le  peuple  s'est  voulu  couvrir  de  ceste  excuse,  qu'en  adorant  le  veau  il  ne  renoncoit  pas  le  Dieu  qui  l'avoit  delivre,  mais  plustost  faisoit  honneur  a  sa  remembrance.  Comme  auiourd'huy  les  Papistes  en  s'agenouillant  devant  leurs  marmousets  protestent  neantmoins  que  c'est  en  l'honneur  de  Dieu.  Et  pourtant  ceux  qui  s'accouplent  avec  eux,  quoy  qu'ils  disent  ou  tergiversent,  s'alienent  du  service  de  Dieu.  Il  dit  qu'on  pense  servir  a  Dieu  en  observant  les  ceremonies  de  la  Papaute.  Comme  si  les  Iuifs  ne  se  fussent  pas  trompez  d'un  semblable  cuyder.  Car  iamais  ce  bouclier  de  bonne  intention  ne  leur  a  defailli:  mais  Dieu  a  monstre  combien  cela  estoit  frivole,  en  disant  que  c'estoit  contre  son  vouloir.  Au  reste  il  faut  bien  que  ce  belistre  soit  effronte,  de  mentir  ainsi  a  pleine  gorge:  car  on  sait  que  les  Papistes  adressent  leurs  oraisons  aux  marmousets,  ne  plus  ne  moins  qu'ont  fait  les  Payens,  et  que  tous  les  titres  de  nostre  Seigneur  Iesus  Christ  luy  estans  ravis  sont  attribuez  a  une  pierre,  ou  a  une  piece  de  bois.  Et  encore  il  nous  accuse  de  cruaute,  entant  que  nous  mettons  les  povres  gens  a  la  boucherie  pour  des  menus  fatras  [page  51]  et  pueriles.  Voila  en  quelle  estime  il  a  tout  ce  que  Dieu  a  commande  de  son  service.  Et  cependant  il  veut  faire  a  croire  qu'il  a  les  yeux  purs  pour  passer  parmy  ces  ieus  de  petis  enfans:  moyennant  qu'il  s'endurcisse  ou  s'enyvre  en  telle  sorte,  que  sans  scrupule  il  ravisse  a  Dieu  l'honneur  qui  luy  appartient,  pour  en  despartir  a  tous  les  marmousets  5  ausquels  les  povres  incredules  font  hommage.  Car  voici  la  belle  conclusion  qu'il  fait:  Que  si  nul  service  n'est  agreable  a  Dieu,  sinon  celuy  qu'on  luy  fait  d'un  franc  courage:  a  l'opposite  nulle  simulation  ne  luy  peut  desplaire,  quand  on  fait  seulement  semblant  pour  complaire  aux  incredules  d'adorer  les  idoles  sans  y  avoir  devotion.  Mais  que  respondra-il  a  ce  que  Dieu,  en  prononcant  par  la  bouche  d'Isaie  (42,  8;  45,  23),  qu'il  ne  donnera  point  sa  gloire  aux  idoles,  s'expose  soy  mesme,  que  tout  genouil  sera  plie  devant  luy?  En  quoy  il  monstre  que  sa  louange  ne  luy  demeure  point  entiere,  mais  luy  est  ravie,  si  on  fait  signe  de  rendre  aux  idoles  l'honneur  et  reverence  qu'il  se  reserve.  Ie  confesse  bien  que  pour  nous  monstrer  spirituels,  nous  devons  glorifier  Iesus  Christ  en  l'ensuyvant.  Mais  la  question  est,  si  nous  ne  i'ensuivons  point  en  protestant  de  bouche,  et  de  pieds,  et  de  mains,  comme  de  coeur,  que  nous  sommes  temples  de  Dieu,  dediez  a  son  service.  Quant  a  ce  qu'il  dit,  Que  si  sainct  Paul  eust  este  ainsi  astraint  aux  ceremonies,  il  n'eust  pas  si  bien  avance  l'Evangile