49:613  613  SUR  L'EPITRE  AUX  CORINTHIENS.  614  nues,  et  qu'ils  sont  bien  loin  de  leur  Dieu,  d'autant  qu'ils  n'ont  point  quelque  remembrance  ou  effigie  devant  leurs  yeux?  Es  toutesfois  les  Payens  se  sont  abrutis  iusques  la.  Autant  en  est-il  des  Papistes:  car  quand  ils  entrent  en  nos  temples,  ils  sont  si  esbahis  qu'il  leur  semble  qu'ils  soyent  tombez  des  nues,  ou  qu'ils  soyent  entrez  en  un  monde  nouveau.  Quoy,  en  l'Eglise,  (disent-ils)  qu'il  n'y  ait  point  d'images?  Et  cependant  les  poures  gens  s'attachent  du  tout  a  ces  singeries,  et  a  tant  de  ceremonies  qu'ils  voyent,  que  iamais  n'eslevent  leurs  esprits  en  haut.  Nous  voyons  donc  en  somme  par  quel  but  l'idolatrie  a  commence  au  monde,  et  quelle  en  a  este  la  vraye  source:  c'est  ascavoir  que  les  ignorans  ont  voulu  avoir  quelque  marque  qui  leur  representast  Dieu.  Or  il  est  certain  que  si  Dieu  n'approche  de  nous,  nous  serons  tousiours  selon  nostre  infirmite  et  rudesse  comme  en  trouble  et  branle:  mais  il  scait  bien  ce  qui  nous  est  propre,  Que  donc  nous  ne  soyons  point  chatouillez  de  nos  vaines  fantasies:  mais  prions  Dieu  qu'il  con  descende  a  nostre  petitesse,  comme  il  scait  qu'il  nous  est  utile:  et  contentons  nous  des  moyens  qu'il  nous  donne  pour  venir  a  luy,  a  scavoir  de  sa  Parole,  qui  est  comme  un  miroir,  dit  S.  Paul,  auquel  Dieu  se  monstre,  et  non  seulement  afin  que  la  nous  le  cognoissions,  mais  que  nous  soyons  transfigurez  en  sa  gloire.  Si  Dieu  ne  nous  donnoit  nulle  doctrine,  et  que  seulement  il  nous  advertist  que  il  nous  faut  faire  ce  qu'il  a  ordonne,  ou  en  serions  nous?  Mais  quand  il  nous  a  revele  premierement  sa  volonte,  et  qu'il  use  d'une  facon  commune  et  basse  pour  parler  a  nous,  comme  s'il  vouloit  former  sa  langue  a  la  capacite  des  petis  enfans:  quand  donc  nostre  Seigneur  nous  fait  un  tel  bien,  et  qu'il  nous  est  si  familier,  n'est-ce  pas  raison  que  nous  cheminions  par  un  tel  chemin  ?  Si  nous  allons  maintenant  demander  quelque  image  ou  nous  voyons  Dieu,  nous  mesprisons  le  miroir  auquel  il  veut  estre  contemple.  Et  que  sera-ce?  Nostre  ingratitude  merite-elle  point  que  nous  soyons  du  tout  esblouis  par  Satan?  Et  au  reste,  encores  y  a  il  d'autres  moyens.  Car  quant  au  Baptesme,  nous  voyons  l'eau,  voyla  nostre  Seigneur  Iesus  Christ  qui  desploye  la  vertu  de  sa  mort  et  passion.  En  la  Cene,  nous  avons  aussi  comme  un  gage,  ou  nostre  Seigneur  Iesus  Christ  nous  certifie  qu'il  est  nostre  pasture,  qu'il  est  nostre  viande  et  bruvage  pour  le  salut  eternel  de  nos  ames.  Quand  donc  nous  voyons  que  Dieu  s'approprie  ainsi  a  nous,  c'est  a  dire  qu'il  regarde  nostre  portee,  et  ne  laisse  rien  de  ce  qui  nous  est  utile:  ne  faut-il  pas  que  nous  soyons  par  trop  malins,  quand  nous  fretillons  en  nos  appetits,  et  voulons  encores  avoir  d'autres  images?  Et  ainsi  retenons  que  nous  pouvons  bien  demander  a  Dieu  qu'il  approche  de  nous,  afin  que  nous  parvenions  a  luy:  Mais  il  faut  qu'il  ordonne  cela  et  le  dispose  selon