35:613  613  DE  LA  PROPHETIE  DE  CHRIST.  614  sance,  mais  il  se  doit  rapporter  a  tout  le  cours  de  l'Evangile.  Vray  est  que  desia  c'a  este  un  signe,  que  Iesus  Christ  estoit  un  petit  surgeon,  quand  il  ne  trouve  point  lieu  pour  se  loger  entre  les  hommes,  mais  qu'il  est  la  comme  reclus  et  banni  de  toute  compagnie,  et  c'est  nourri  en  telle  povrete,  qu'on  ne  scait  pas  s'il  est  homme.  Cela  a  bien  este  desia  pour  preparer  les  fideles  a  ce  qu'ils  cogneussent  que  Iesus  Christ  seroit  reiette  et  contemptible  selon  le  monde:  mais  le  principal  a  este  quand  il  est  apparu  pour  prescher  l'Evangile,  et  pour  executer  la  charge  qui  luy  estoit  commise  de  Dieu  son  Pere.  Alors  ils  ont  commence  a  dire,  Et  n'est  ce  pas  yci  le  Fils  d'un  charpentier?  et  ne  cognoist-on  pas  comment  il  a  este  nourri?  Et  en  quelle  eschole  a-il  apprins  d'estre  si  grand  docteur?  Et  ses  parens  mesmes  voyans  qu'il  est  ainsi  hay,  luy  veulent  faire  acroire  qu'il  est  hors  du  sens,  et  qu'il  faut  qu'on  le  lie  et  qu'on  l'empesche,  afin  qu'on  ne  les  lapide  tous:  car  ils  voyent  bien  que  ceste  haine-la  seroit  contre  toute  la  maison.  Finalement  voyla  Iesus  Christ  qui  est  crucifie.  Il  semble  que  l'Evangile  soit  enseveli  avec  luy,  et  que  la  memoire  en  doyve  estre  du  tout  esteinte.  Qui  eust  dit  que  les  Apostres  pouvoyent  ainsi  avancer  la  doctrine  de  salut?  Voyla  des  povres  idiots,  qui  iamais  n'ont  cognu  que  c'estoit  de  letres,  ils  n'ont  pas  este  exercez  en  l'Escriture  saincte,  ils  n'ont  feconde  ne  dexterite  aucune:  et  puis  ce  sont  gens  reculez,  et  on  ne  daignera  pas  leur  prester  l'aureille,  quand  bien  ils  parleroyent  comme  des  Anges.  En  cela  que  voit-on,  sinon  terre  deserte?  ou  sont  les  grandes  pompes  et  les  preparatifs  pour  faire  que  les  Rois  et  les  princes  s'assuietissent  a*  l'Evangile?  Mais  a  l'opposite  voyla  glaives  desgainez,  les  feux  allumez  pour  empescher  que  ceste  doctrine  n'ait  son  cours.  Ainsi  donc  on  voit  bien  que  c'est  comme  si  en  une  terre  deserte  il  y  avoit  un  petit  baston  plante.  Et  qui  dira  qu'il  y  doyve  avoir  un  arbre  qui  couvre  tout  le  monde,  et  que  chacun  ait  la  son  refuge?  Qui  est-ce  qui  pourroit  imaginer  cela,  voyant  les  commencements  estre  tels?  Ainsi  donc  non  sans  cause  le  Prophete  Isaie  declare  que  le  monde  qui  est  addonne  par  trop  a  pompes  et  a  hautesse,  ne  daignera  pas  regarder  a  Iesus  Christ:  mais  qu'on  le  tiendra  comme  mesprise,  d'autant  que  c'est  un  surgeon,  une  petite  verge,  estant  sortie  d'une  terre  sterile,  la  ou  il  n'y  a  ni  eau,  ni  humidite,  ni  aucune  substance  en  vigueur.  Or  ceci  notamment  nous  est  remontre,  afin  que  nous  ne  soyons  point  destournez  ni  desbauchez  par  un  tel  scandale,  que  nous  ne  venions  promptement  a  nostre  Seigneur  Iesus  Christ.  Quand  donc  il  nous  a  este  declare  comment  l'Evangile  devoit  estre  presche  au  monde,  et  que  nous  voyons  encores  auiourd'huy  le  sem-