25:613  613  SUR  LE  DEUTER.  CHAP.  I.  614  de  Dieu,  nous  y  sommes  tant  nouveaux,  et  que  nous  ne  savons  a  grand'  peine  que  c'est,  pour  le  moins  que  nous  n'y  avons  prins  gueres  de  goust.  Voila  nostre  proces  qui  est  forme,  quand  on  parlera  ainsi  de  l'Evangile,  comme  de  longs  temps  il  nous  est  presente,  voire  en  plusieurs  facons.  Ainsi  maintenant  Moyse,  pour  faire  une  protestation  que  le  peuple  s'estoit  monstre  par  trop  ingrat  a  Dieu,  dit  notamment:  Voici  les  parolles  que  i'ay  publie,  et  que  i'ay  presche  derechef,  non  seulement  pour  un  iour,  mais  depuis  que  la  Loy  fut  publiee  en  la  montagne  d'Horeb.  Et  pource  que  le  peuple  s'estoit  monstre  si  mal  dispose,  ie  n'ay  cesse  de  luy  refreschir  la  memoire  des  choses  qu'il  avoit  desia  entendues.  Or  par  cela  apprenons  d'estre  mieux  incitez,  quand  nous  voyons  que  nostre  Dieu  des  le  commencement  du  monde  a  voulu  que  sa  verite  eust  certain  tesmoignage  entre  les  hommes,  et  qu'il  n'a  cesse  de  la  produire  en  avant,  et  quand  les  hommes  l'ont  voulu  ensevelir  par  leur  malice,  qu'il  l'a  comme  ressuscitee:  cognoissons  en  cela  sa  bonte  admirable,  et  soyons  esmeus  a  recevoir  ce  qui  nous  sera  dit.  Voila  pour  un  item.  Mais  afin  que  nous  soyons  mieux  affectionnez,  ii  nous  faut  aussi  poiser  ce  mot  que  Moyse  adiouste:  Voire  selon  tout  ce  qui  luy  estoit  commande  de  Dieu.  Or  par  ceste  preface  il  declare,  qu'il  n'a  rien  apporte  du  sien,  qu'il  n'a  point  voulu  assuiettir  le  peuple  a  ses  resveries,  ni  mesmes  a  ce  qu'il  avoit  peu  inventer  par  bonne  raison  et  prudence  quant  aux  hommes,  que  simplement  il  a  obey  a  Dieu,  et  qu'il  a  este  un  messager  fidele  et  loyal  sans  decliner  ni  a  dextre  ni  a  senestre.  Or  si  Moyse,  qui  a  veu  un  tesmoignage  si  excellent,  comme  nous  voyons  que  iamais  Dieu  n'a  suscite  un  prophete  pareil  ni  egal  a  luy,  si  donc  Moyse  qui  a  este  le  prince  des  prophetes,  apres  Iesus  Christ,  mais  sous  la  Loy  ancienne  il  est  le  principal,  s'il  a  proteste  toutesfois  qu'il  n'advancoit  rien  de  son  propre,  ie  vous  prie,  que  sera-ce  des  autres?  se  pourront-ils  accomparer  a  luy?  Mais  prenons  le  cas  qu'ils  soyent  aussi  haut  eslevez  et  iuchez,  si  est-ee  neantmoins  que  voila  le  degre  ou  il  faut  qu'ils  demeurent,  c'est  qu'ils  annoncent  ce  que  Dieu  leur  a  commande.  Et  ainsi  apprenons  que  la  porte  est  ici  fermee  a  toutes  doctrines  humaines.  Et  par  cela  voiton  comme  le  pape  a  deprave  et  corrompu  tout  l'ordre  de  l'Eglise,  quand  il  s'est  constitue  legislateur,  qu'il  a  invente  et  impose  des  loix  a  son  plaisir,  qu'il  a  forge  et  controuve  des  articles  de  foy,  qu'il  a  voulu  que  ce  qu'il  avoit  imagine  fust  receu  comme  Escriture  saincte:  n'est  ce  point  tout  pervertir?  Car  iamais  Dieu  n'a  voulu  que  ceste  licence  dominast  en  son  Eglise,  que  les  hommes  proposassent  rien  de  leurs  inventions:  mais  il  a  voulu  estre  escoute