9:612  dehors  que  dedans.  Il  oppose  une  subtilite  bien  feriale,  c'est,  puis  que  l'idolatrie  peut  estre  cachee  sous  l'apparence  de  saintete,  qu'aussi  un  bon  coeur  peut  estre  cache  sous  la  couleur  et  apparence  d'idolatrie,  qui  vaut  autant  comme  s'il  disoit:  Puis  qu'un  homme  peut  bien  estre  meurtrier  de  coeur,  combien  qu'il  ne  tue  personne  de  sa  main,  il  s'ensuit  qu'une  bonne  amitie  et  fraternite  peut  bien  estre  cachee  sous  un  meurtre  exterieur.  Que  feroit-on  a  une  beste  si  forcenee?  Et  toutefois  il  insiste  aussi  fierement  sur  cest  article,  comme  s'il  avoit  cause  gagnee.  Il  demande  comment  il  est  possible  que  l'idolatrie  qui  se  commet  au  dehors,  laquelle  n'est  qu'une  ombre,  souille  l'homme,  et  que  l'ombre  de  piete  ne  le  purge  point.  Ie  respon  qu'il  se  tormente  en  une  chose  bien  facile.  Il  est  dit  que  les  mauvaises  paroles  corrompent  les  bonnes  moeurs  (1  Cor.  15,  33).  Quand  donc  un  homme  sera  seulement  dissolu  en  quelque  contenance,  il  sera  souille  :  et  toutefois  [page  49]  quand  il  fera  semblant  d'estre  le  plus  chaste  et  pudic  qu'il  sera  possible  de  penser,  ce  n'est  pas  a  dire  qu'il  soit  du  tout  pur,  quand  il  nourrira  quelque  mauvaise  concupiscence  en  secret.  Voyla  donc  comme  le  mal  exterieur  souille  l'homme:  et  le  bien  exterieur  ne  le  rend  pas  du  tout  absous  ni  innocent.  Dont  on  void  que  ce  brouillon  ne  fait  que  desgorger  iniures  d'un  homme  forcene,  quand  il  dit  que  nous  sommes  plus  que  Pharisiens,  nous  iustifians  en  noz  ceremonies.  Comme  si  le  service  spirituel  de  Dieu  n'estoit  point  mieux  recommande  par  nous  qu'un  million  de  ses  semblables  ne  sauroit  faire.  Autant  a-il  de  raison  de  nous  reprocher  que  nous  Iudaizons,  pource  que  nous  ne  luy  voulons  point  ressembler  a  estre  idolatres.  Voyons  comme  il  se  despestre  du  passage  de  sainct  Paul,  ou  il  exhorte  les  Corinthiens  a  n'estre  pas  idolatres,  comme  avoit  este  le  peuple  ancien  des  Iuifs  (L  Cor.  10,  7).  Il  allegue  que  ceux  qui  font  semblant  d'adorer  les  idoles  en  la  Papaute,  ne  sont  point  semblables  a  ces  rebelles  la:  pource  qu'ils  s'assuiettissent  volontiers  au  ioug  de  Iesus  Christ:  ils  sont  fideles  et  recognoissent  un  seul  Dieu  vivant,  ne  donnant  point  leur  or  ou  argent  pour  faire  une  idole,  mais  le  distribuant  aux  povres.  Il  cuyde  bien  estre  eschappe  en  amenant  telle  diversite.  Mais  ie  replique  qu'une  partie  du  ioug  de  Iesus  Christ,  c'est  de  confesser  son  nom,  et  protester  que  nous  desirons  de  servir  purement  a  Dieu  seul.  Ie  di  que  la  foy  n'est  point  ensevelie  au  coeur,  mais  qu'elle  produit  ses  fruicts  au  dehors.  Dont  il  appert  que  tous  ceux  qui  se  contrefont  pour  complaire  aux  idolatres,  en  [page  50]  faisant  signe  qu'ils  sont  de  leur  bande,  n'ont  ne  foy  ne  zele  d'obeir  a  Dieu,  mais  sont  comme  bestes  egarees,  s'egayans  en  une  licence  meschante  et  perverse.  S'ils  n'employent  pas  leur  substance  pour  faire  des  idoles,  ils  prostituent  leur  corps  a  les