7:612  qui  ex  honore,  quem  personis  deferunt,  praeiudicium  fieri  volunt  de  doctrina.  Ut  locum  hunc  breviter  concludam:  ecclesiam  Dei  quaerimus.  Fatemur  omnes,  sic  propagatam  fuisse  ab  initio,  ut  continuo  saeculorum  ordine  ad  nos  usque  duraverit,  et  hodie  diffusa  sit  per  totum  orbem,  [pag,  107]  Restat  altera  quaestio:  sitne  personis  alligata.  Nos  quam  periculosum  sit  hoc  fateri,  tametsi  videmus,  nolumus  1)  tamen  adeo  esse  solliciti,  ut  caveamus  in  posterum.  Sed  quum  sibi  usurpent  nomen  ecclesiae,  qui  eam  funditus,  quantum  in  se  erat,  perdiderunt,  cuius  socordiae  fuerit,  saltem  praesenti  malo  non  reclamare?  Iam  suo  tempore  dicebat  Hilarius,  ecclesiam  potius  delitescere  in  cavernis,  quam  in  primariis  sedibus  eminere.  Quae  ad  tam  horrendam,  quae  ubique  hodie  grassatur,  vastitatem  deplorandam  querimoniae  sufficiant?  Aliunde  igitur,  quam  ex  hominum  titulis,  petenda  erit  ecclesiae  cognitio.  Et  frustra  in  eius  investigatione  circuimus,  quum  ultro  se  nobis  verissima  ratio  offerat.  Quis  enim  nostrum,  ut  hominem  agnoscat,  eius  calceos  vel  pedes  intuebitur?  An  non  in  faciem  potius  recta  coniieiemus  oculos?  Cur  ergo  in  consideranda  ecclesia,  non  ab  ipso  capite  incipimus,  praesertim  quum  eo  nos  Christus  ipse  revocet?  Ubi  erit  cadaver,  inquit,  illuc  congregabuntur  aquilae  (Matth.  24,  28).  Quare  si  in  certam  ecclesiae  unitatem  coalescere  libet,  in  veritatem  Christi  tantum  consentiamus.  Quum  ad  ecclesiae  autoritatem  ventum  est,  quibuscunque  fucis  imperitorum  oculos  ludant  mediatores,  huc  tandem  recidunt,  ut  pro  verbo  Dei  sola  valeat  hominum  libido.  Nota  est  illa  triplex  cantilena:  esse  penes  ecclesiam  discernere  veras  scripturas  ab  adulterinis:  eandem  habere  ius  interpretandi:  eius  traditionem  oraculorum  vim  habere.  His  iactis  fundamentis  palam  est,  ereptum  Deo  imperium  ad  lituos  et  infulas  transferri.  Qualiscunque  sit  eorum  caterva,  qui  modo  episcopali  titulo  sint  ornati,  [pag.  108]  ecclesiam  constituit.  Porro,  immensum  est  quod  illis  licebit,  si  arbitrio  suo  interpretentur  scriptuiam,  si  fidei  articulos  fabricent,  leges  imponant  conscientiis.  Quid  igitur  Deo  fiet  reliquum?  Haec  plus  quam  manifesta  est  regni  Christi,  sanae  doctrinae,  salutis  nostrae  proditio.  Et  nos  discordias  alere  pacemque  impedire  ac  turbare  clamabunt,  nisi  protinus  assentiamur?  Quin  proprium  ecclesiae  officium  sit,  scripturas  veras  a  supposititiis  discernere,  non  nego  :  nempe,  quia  obedienter  amplectitur,  quidquid  Dei  est:  et  oves  audiunt  vocem  pastoris,  alienorum  vocem  non  admittunt.  Sed  ecclesiae  iudicio  submittere  sacrosancta  Dei  oracula,  ut  quasi  precario  suam  inter  homines  1)  Beza  et  Amst  mendose:  noluimus.