49:612  voyons  que  valent  les  bonnes  intentions  des  hommes.  On  cuidera  tousiours  que  la  bonne  intention  oblige  Dieu  a  recevoir  et  accepter  tout  ce  que  nous  ferons,  encores  qu'il  ne  vale  rien.  Et  voyla  comme  les  hommes  se  flatent,  Ho!  de  moy  (dira  chacun)  ie  ne  cuide  point  mal  faire,  et  c'est  la  regle  generale  du  service  de  Dieu  en  la  Papaute:  car  tout  ce  que  font  les  Papistes  ne  se  trouvera  point  contenu  ni  approuve  en  l'Escriture  saincte:  ils  ont  le  tout  forge  sans  raison  ne  propos.  Cependant  nous  voyons  quel  orgueil  et  fierte  il  y  a:  car  ils  se  vantent  de  servir  Dieu,  Et  sur  quoy  sont-ils  fondez?  sur  leur  cuider.  Autant  en  a-il  este  de  ceux  qui  ont  forge  le  veau  d'or  :  et  nous  voyons  quelle  abomination  ca  estoit  a  Dieu.  Nous  scavons  qu'il  n'est  point  cruel:  et  toutesfois  il  a  voulu  abysmer  tout  le  peuple  pour  ce  seul  acte.  Concluons  donc  que  la  bonne  intention  des  hommes  sera  touiours  pour  les  conduire  au  profond  d'enfer,  sinon  que  Dieu  les  en  retire.  Ainsi  apprenons  par  cela  de  nous  ranger  a  Dieu  quand  il  est  question  de  le  servir:  et  n'attentons  rien  sinon  ce  qu'il  nous  commande  et  qu'il  approuve  par  sa  Parole:  et  comme  il  est  dit  en  l'autre  passage,  ne  declinons  ni  a  dextre  ni  a  senestre.  Cependant  nous  voyons  aussi  la  source  de  toutes  les  idolatries  qui  ont  iamais  regne:  c'est  a  scavoir  quand  les  hommes  ne  cuident  point  que  Dieu  leur  soit  prochain,  sinon  qu'ils  en  ayent  quelque  marque  visible.  Pourquoy  est-ce  que  les  Papistes  ne  se  peuvent  passer  de  peintures,  et  de  marmousets,  et  choses  semblables?  Pource  qu'il  leur  semble  que  Dieu  seroit  eslongne  d'eux,  sinon  qu'ils  eussent  la  quelque  figure.  Quand  donc  ils  verront  un  crucifix,  ou  un  Dieu  le  Pere,  qu'ils  appellent,  qui  fera  la  moue",  ou  ie  ne  scay  quelle  autre  idole,  ils  se  contenterons  de  cela:  Ils  s'agenouillent  la  devant  et  font  leurs  prieres  et  devotions,  ils  diront  assez  que  Dieu  est  au  ciel,  mais  qu'il  faut  avoir  quelque  remembrance  afin  qu'on  soit  esmeu.  Et  autrement  qu'on  seroit  comme  esperdu  et  esvanouy,  quand  on  se  voudroit  adresser  devant  la  maieste  de  Dieu.  Voyla,  di-ie,  la  couverture  que  prenent  les  Papistes,  et  c'est  ce  qu'ont  eu  les  Payens  de  tous  temps:  et  ca  este  une  corruption  commune,  comme  nous  la  voyons  encores  par  ce  passage:  Fay  nous  quelque  Dieu,  disent-ils,  qui  marche  devans  nous.  Ils  ne  disent  pas,  Nous  sommes  souls  de  servir  a  Dieu:  mais  ils  disent,  Si  faut-il  que  nous  voyons  ici  quelle  enseigne,  et  qu'il  y  ait  quelque  chose  qui  nous  contente.  Et  nous  voyons  de  faict  que  les  Payens  se  mocquent  de  la  pure  religion  que  Dieu  avoit  presente  au  peuple  des  Iuifs,  en  disant  qu'ils  adoroyent  les  nues  et  quelque  divinite  qui  est  bien  loin  d'eux.  Or  y  a-il  un  plus  grand  blaspheme,  ni  une  plus  grande  condamnation  que  celle  fa  de  reprocher  a  ceux  qui  adorent  Dieu  en  sa  maieste,  qu'ils  adorent  les