48:612  choses,  qui  ne  nous  servent  de  rien,  des  choses  vaines  et  curieuses:  mars  qu'il  faut  qu'il  nous  suffise  de  ceste  Parolle  qui  nous  monstre  le  chemin  que  nous  devons  tenir.  Il  y  a  yci  deux  choses  par  lesquelles  Iesus  Christ  corrige  les  curiositez  de  ses  Apostres:  c'est  ascavoir  qu'il  leur  declare  qu'ils  doyvent  discerner  ce  qu'ils  ont  a  faire.  Voyci,  di-ie,  pour  corriger  ce  vice  auquel  nous  sommes  enclins:  c'est  ascavoir  que  nous  regardions  ce  que  Dieu  nous  enseigne  par  sa  Parolle:  car  quand  nous  y  serons  attentifs,  cela  nous  ostera  ce  vice  d'estre  trop  curieux  et  trop  hardis.  Il  y  a  donc  premierement  les  promesses  quo  Iesus  Christ  leur  fait:  Vous  receverez  la  vertu  du  S.  Esprit,  comme  s'il  disoit:  Contentez-vous  de  ce  que  Dieu  vous  veut  envoyer.  Apprenons  donc  quand  nostre  nature  nous  chatouille  pour  nous  ietter  hors  des  gonts,  de  nous  tenir  aux  promesses  de  Dieu,  et  cognoissons  :  Voyci  ou  il  nous  faut  arrester.  Contentons-nous  donc  de  cela  et  que  ce  soit  toute  nostre  pasture  et  nostre  refection.  Et  puis  il  y  a  aussi  les  commandemens  de  Dieu,  pour  cognoistre  a  quoy  il  nous  veut  employer.  Quand  nous  cognoistrons  cela  nous  n'aurons  pas  loisir  de  vaguer  a  travers  champs,  mais  nous  trouverons  que  nous  avons  du  chemin  assez,  voire  qu'il  faudroit  voler,  s'il  estoit  question  de  faire  ce  qu'il  nous  commande.  Ceci  sera  plus  aise  a  entendre  quand  nous  cognoistrons  que  la  parolle  de  Dieu  est  la  medecine  pour  corriger  ceste  curiosite.  Comment?  Voyci  les  promesses  que  nous  avons,  quant  a  la  vie  presente,  que  Dieu  nous  promet  de  nous  assister:  et  Iesus  Christ  aussi  nous  a  enseignez  de  demander  nostre  pain.  Mais  quoy?  ce  n'est  pas  le  principal:  car  il  estend  bien  sa  main  sur  les  bestes  brutes  et  les  nourrit.  Ce  sera  donc  trop  peu  a  nous  de  regarder  a  cela,  mais  le  principal  est  que  nous  goustions  sa  misericorde,  en  cognoissant  qu'il  ha  pitie  de  nous  povres  pecheurs,  et  qu'il  ne  veut  pas  que  nous  perissions  en  nos  folies,  mais  nous  tend  la  main  pour  nous  en  retirer.  Fions-nous  y  donc.  Apres  il  nous  appelle  a  la  vie  eternelle  avec  Iesus  Christ,  et  nous  promet  que  nous  serons  unis  avec  luy.  Quand  donc  nous  avons  ces  promesses-la,  il  faut  que  chacun  s'exerce  soir  et  matin  et  que  ce  soit  nostre  sagesse.  Et  puis  nous  avons  ses  commandemens  ou  il  faut  que  nous  nous  tenions  sans  nous  polluer  en  superstitions,  et  que  chacun  renonce  a  soy-mesme,  pour  vivre  en  toute  dilection  et  charite  les  uns  avec  les  autres,  en  sobriete,  en  chastete,  en  humilite  et  toute  honnestete:  que  nous  soyons  pures  et  nets  de  toutes  paillardises.  Yoyla  une  regle  generale.  D'avantage  chacun  y  a  sa  lecon  particuliere.  Le  pere  de  famille  doit  entendre  quelle  amour  il  doit  avoir  a  sa  femme:  la  femme  doit  scavoir  qu'elle  est  suiette  a  son  mari,  et  faut  que