9:611  611  RESPONSE  612  est  question  du  chef  ou  du  principal.  Mais  c'est  autant  comme  s'il  disoit  qu'on  peut  bien  coupper  la  gorge  a  un  homme  sans  luy  oster  la  vie,  d'autant  que  la  vie  gist  en  l'ame.  Il  amasse  plusieurs  sentences  ou  il  est  monstre  que  Dieu  veut  estre  servi  en  integrite  de  coeur.  Mais  ce  n'est  pas  a  dire  qu'estans  appellez  en  la  clarte  du  royaume  de  Dieu,  nous  ne  devions  aussi  prescher  sa  vertu.  Nous  savons  combien  l'Apostre  insiste  en  l'Epistre  aux  Hebrieux  a  monstrer  que  les  ceremonies  ne  sont  rien  (Hebr.  3,  1):  toutesfois  si  ne  laisse-il  pas  pour  cela  [page  47]  d'appeller  nostre  Seigneur  Iesus  Apostre  et  souverain  Prestre  de  nostre  confession.  Et  pourtant  au  quatrieme  chapitre  (v.  14)  il  exhorte  les  fideles  non  seulement  a  perseverer  en  la  foy,  mais  aussi  en  la  confession.  Comme  aussi  au  dixieme  (v.  22)  il  dit,  qu'il  nous  faut  persister  en  la  confession  de  nostre  esperance  sans  flechir  ne  decliner.  C'est  donc  une  calomnie  trop  frivole,  de  dire:  Invoque  moy,  et  de  la  conclure,  qu'on  se  peut  donc  agenouiller  devant  un  idole.  Mais  ce  qu'il  adiouste  est  un  blaspheme  detestable,  de  dire,  Que  s'il  n'est  point  licite  de  prier  et  faire  aumosne  devant  les  nommes  (ce  qui  est  toutefois  de  bonne  edification)  tant  moins  nous  faut-il  cercher  gloire  au  Baptesme  et  en  la  Cene.  Premierement  il  pervertit  le  sens  des  paroles  de  nostre  Seigneur  Iesus  Christ,  en  allegant  le  sixieme  de  S.  Matthieu  (v.  5)  ou  nostre  Seigneur  Iesus  n'a  point  defendu  de  prier  devant  les  hommes,  pource  qu'en  ce  faisant  il  fust  contrevenu  a  soy-mesme;  mais  seulement  il  a  condamne  l'ambition  et  vaine  gloire  de  ceux  qui  ne  se  contentent  point  d'avoir  Dieu  pour  tesmoin  en  bienfaisant,  mais  veulent  estre  prisez  et  honorez  ici  bas.  Au  reste,  nous  savons  qu'il  nous  est  ordonne  de  nous  estudier  a  bien  vivre  et  bien  faire,  non  seulement  devant  Dieu,  mais  aussi  devant  les  hommes.  Mais  d'aneantir  ainsi  la  vertu  des  Sacremens,  c'est  bien  vilipender  l'autheur.  Vray  est  qu'il  ne  nous  y  faut  point  glorifier,  ne  pour  en  faire  des  idoles,  ne  pour  y  mettre  la  fiance  de  nostre  salut.  Mais  de  les  reietter  comme  choses  [page  48]  superflues,  ou  de  faire  a  croire  qu'on  les  peut  laisser  la,  c'est  une  extremite  insupportable.  Bref,  sous  ombre  de  magnifier  la  verite,  ce  brouillon  veut  aneantir  les  signes  que  Dieu  nous  donne  pour  nous  testifier  sa  grace,  et  desquels  aussi  nous  usons  pour  faire  profession  de  son  service.  Il  a  beau  dire  que  tous  entendemens  humains  sont  remplis  d'idolatrie,  encore  qu'on  n'adore  point  les  idoles  exterieurement.  Car  ie  n'enseigne  pas  de  faire  beau  semblant,  et  mespriser  toute  verite  et  droiture  du  coeur.  Mais  puis  que  l'homme  a  deux  parties  en  soy,  a  savoir,  l'ame  et  le  corps,  ie  di  qu'en  servant  Dieu  d'une  affection  pure  et  cordiale,  il  faut  qu'il  se  dedie  a  luy  tant