7:611  611  VERA  ECCLESIAE  612  praesulum  administratione  loquuntur:  ne  quis  tranquillum  ac  florentem  regni  Christi  statum  somniaret.  Ergo,  si  penes  apostolorum  successores  residet  ecclesia,  eos  quaeramus  successores,  qui  traditam  ab  illis  doctrinam  posteris  fideliter  per  manus  tradiderint.  Scio,  ut  continuam  hanc  successionem  commendent  Irenaeus,  Origenes,  Augustinus,  et  alii  quidam  ex  veteribus.  Sed  merum  fucum  faciunt  qui  eiusmodi  testimonio  tyrannidem  papatus,  quae  nihil  commune  habet  cum  antiqua  ecclesiae  forma,  defendere  conantur.  Irenaeo  et  Origeni  negotium  erat  cum  improbis  nebulonibus,  qui,  quum  prodigiosos  errores  proferrent  in  medium,  eos  sibi  divinitus  revelatos  esse  iactabant.  Huius  mendacii  facilis  erat  refutatio,  quod  adhuc  superstites  erant  multi,  qui  familiares  apostolorum  discipulis  fuerant  Recens  erat  eius  doctrinae  memoria  quam  apostoli  tradiderant.  Ipsi  quodammodo  parietes  adhuc  eorum  vocibus  personabant.  Miramur,  si  illi  sancti  viri  testes  citaverint  ecclesias,  quae  et  ab  ipsis  apostolis  institutae  fuerant  et  eorum  institutionem,  sine  controversia,  retinuerant?  Pugnabat  Augustinus  contra  Donatistas,  qui  furiosa  superbia  inflati  solos  se  ecclesiam  habere  gloriabantur,  quum  [pag.  106]  tamen  nihil  esset  causae  cur  ab  aliis  dissiderent.  Obiicit  illis  Augustinus,  quas  illi  repudiabant  ecclesias,  et  a  quibus  discessionem  fecerant,  continua  serie  ab  ipsis  apostolis  fluxisse.  Optimo  id  quidem  iure:  quum  eas  in  recepta  semel  doctrina  perstitisse  Donatistae  agnoscerent.  At  longe  diversa  est  nostra  ratio.  Successores  enim  apostolorum  fuisse  negamus,  qui  ab  eorum  fide  doctrinaque  desciverint.  Perfidiosi  isti  mediatores,  qui  tenebras  miscent  cum  luce,  quam  dissimilis  sit  antiquo  ecclesiae  regimini,  vel  potius  contraria  praesens  dissipatio,  non  ignorant.  Cuius  ergo  impudentiae  est,  ad  opprimendam  ecclesiam,  nomen  ecclesiae  ipsius  obtendere?  Utinam  vero  ad  hunc  usque  diem  stetisset  illa,  quam  mentiuntur,  successio.  Apud  nos  certe  non  difficulter  inveniret,  quam  meretur,  reverentiam.  Sit,  inquam,  Petri  successor  papa,  si  apostoli  fungatur  officio.  Sed  in  quo  sita  est  successio,  nisi  in  perpetuitate  doctrinae?  Si  autem  ab  iis  corrupta  est,  imo  exstincta  et  abolita  apostolorum  doctrina,  qui  eorum  haberi  volunt  successores:  quis  non  stultam  eorum  iactantiam  derideat?  Eodem  nempe  argumento  probare  mihi  liceat,  l)  tyrannos  omnes  optimos  fuisse  libertatis  vindices:  quoniam  a  republica  ad  eorum  monarchiam  continuus  fuerit  transitus.  Nunc  an  ita  sit,  ex  re  fiat  aestimatio.2)  Sed  hoc  ipsum  ne  fiat,  ex  professo  cavent  mediatores,  1)  licet  Gailas.  Bez.  et  Amst  2)  assavoir  que  le  Pape  avec  ses  suppostz  ont  destruict  toute  la  verite  de  Dieu.