5:611  ACTES  BE  RATISBONNE.  ter  la  voix  de  ce  bon  Pasteur,  et  le  suyvre  de  tout  nostre  coeur,  puis  [fol.  121]  qu'il  nous  donne  a  congnoistre  si  clerement  sa  voix,  que  nous  n'en  pouvons  doubter,  encor  que  nous  le  voulsissions.  Car  il  n'est  point  question  de  choses  doubteuses  et  obscures,  tellement  que  quelqu'un  puisse  doubter  de  ce  qui  est  a  recevoir,  ou  reiecter,  ou  qu'il  soit  besoing  d'attendre  enseignement  ou  iugement,  de  ceux  auxquelz  Dieu  a  donne  plus  amples  graces  de  son  Esprit  aux  aultres  nations.  Car  les  choses  que  nous  requerons  sont  si  bien  testifiees  et  si  evidemment  et  au  long  explicquees,  tant  par  la  saincte  Escripture,  que  les  Canons,  qu'en  differant  la  reformation  plus  oultre,  nous  declarerons  a  haulte  voix  a  Dieu,  que  nous  ne  voulons  point  qu'il  regne  sur  nous.  La  Religion  voirement  appartient  a  tous  ceux  qui  portent  la  marque  et  le  Nom  de  Christ:  et  eust  bien  este  convenable,  que  toutes  les  nations,  qui  retiennent  encores  ce  Nom,  d'un  commun  accord  et  d'un  mesme  courage,  eussent,  long  temps  a,  advise  de  corriger  les  vices  qui  sont  en  la  Religion,  pour  la  remettre  en  sa  purete.  Mais  cependant  que  les  aultres  nations  estant  empeschees,  ou  par  ignorance  de  verite,  ou  par  mauvaises  cupidites,  ou  bien  estant  oppressees  par  la  tyrannie  de  l'Antechrist,  negligent  leur  salut,  et  ayment  mieulx,  que  la  Religion  soit  corrumpue  que  remise  en  son  estat:  il  ne  fault  pas  que  pour  cela  nous  negligeons  nostre  salut,  et  perseverans  aux  polutions,  lesquelles  attirent  avec  elles  certaine  ruyne.  Combien  a  la  verite,  que  touchant  la  reformation  que  nous  demandons,  qu'on  tache  de  faire,  comme  elle  est  appertement  et  estroictement  commandee  et  requise  de  Christ  et  de  toute  l'Eglise:  il  n'y  aura  nulz  chrestiens,  en  quelque  part  que  ce  soit,  lesquelz  estant  deuement  advertis,  no  l'approuvent  et  louent.  Quand  aux  aultres,  comme  ilz  sont  encores  estrangers,  aussi  leur  voix  ne  doit  estre  escoutee  des  brebis  de  Christ,  mais  les  doit  on  fuyr  songneusement.  Finalement,  veu  que  par  ceste  reformation  nous  monstrerons  exemple  de  vraye  piete  aux  aultres  nations,  elles  auront  occasion  de  nous  en  scavoir  gre  et  non  point  de  s'en  [fol.  122]  scandalizer,  veu  qu'elles  en  sentiront  tres  grand  profit,  et  nulle  incommodite.  Touchant  ce  qu'il  y  demeureroit  pour  un  temps  quelque  variete,  dissimilitude  entre  les  aultres  nations  et  la  nostre,  cela  ne  se  fera  point  par  nostre  faulte,  et  ne  se  devra  appeller  scisme  pour  nostre  part.  Car  ce  n'est  point  nous  separer  ou  aliener  d'aucunes  vrayes  Eglises,  quand  nous  tachons  de  nous  adioindre  et  adherer  plus  purement  et  pleinement  a  l'Eglise  de  Dieu,  qui  a  este  des  le  commencement;  et  n'est  pas  introduire  quelque  dissimilitude  avec  les  Eglises,  quand  nous  retrenchons