49:611  611  SERMONS  612  ont  commence,  ce  n'est  iamais  fait.  Or  les  Corinthiens  prenoyent  ceste  liberte,  comme  desia  nous  avons  veu.  Voyla  pourquoy  notamment  sainct  Paul  laisse  ici  les  oblations  qui  se  faisoyent  aux  temples  :  et  dit  que  ceux  qui  ont  banquete  en  l'honneur  des  idoles,  et  se  sont  meslez  parmi  des  choses  profanes,  ont  este  coulpables  devant  Dieu  d'idolatrie,  et  que  la  vengeance  en  a  este  faite  comme  ils  avoyent  merite.  Or  ici  en  premier  lieu  nous  sommes  enseignez  de  nous  tenir  tousiours  en  bride,  mesmes  iusques  au  boire  et  au  manger,  et  faut  que  nous  scachions  puis  que  nostre  vie  doit  estre  dediee  a  Dieu,  que  tout  ce  que  nous  ferons  se  rapporte  aussi  bien  la,  tellement  que  ce  soit  nostre  but:  comme  il  est  dit  en  l'autre  passage,  que  Dieu  soit  honore.  Et  ainsi  quand  nous  devons  prendre  nostre  refection,  que  tousiours  Dieu  nous  viene  en  memoire,  et  que  nous  soyons  comme  devant  luy.  Si  un  enfant  encores  qu'il  n'ait  pas  grande  discretion,  quand  il  verra  l'oeil  de  son  pere  ou  de  sa  mere,  s'abstient  en  telle  sorte  qu'il  n'ose  pas  gourmander,  et  use  de  modestie,  que  devons-nous  faire  quand  nous  serons  amenez  devant  la  face  de  nostre  Dieu,  et  qu'il  veut  que  nous  le  cognoissions  la  comme  tesmoin  qui  preside  a  nostre  boire  et  a  nostre  manger?  Voyla  donc  une  admonition  que  nous  avons  a  recueillir  de  ce  passage.  Or  c'est  bien  raison  que  nous  soyons  ainsi  retenus,  quand  nostre  Seigneur  daigne  bien  avoir  le  soin  de  nostre  vie,  iusques  a  gouverner  la  nourriture  de  nos  corps  :  et  vouloir  estre  la  quand  ces  povres  charongnes  sont  repeues,  afin  que  nous  recevions  comme  de  sa  main  ce  qu'il  nous  donne.  Quand  donc  nostre  Seigneur  descend  si  bas,  n'estce  pas  raison  pour  le  moins  que  un  chacun  de  nous  s'esveille,  et  que  nous  soyons  retentrs  en  sa  crainte,  pour  tascher  que  il  soit  honore,  et  que  sa  gloire  soit  cognue:  mesmes  en  ceste  substance  que  nous  prenons  pour  ceste  vie  caduque  et  transitoire?  Voyla  pour  un  item.  Or  quant  a  l'idolatrie  dont  il  est  ici  parle,  nous  devons  retenir  pourquoy  le  peuple  s'est  ainsi  desborde,  et  quelle  occasion  il  y  a  eu.  Moyse  demeuroit  trop  a  la  montagne  :  il  leur  semble  qu'ils  sont  eslongnez  de  Dieu  sinon  qu'ils  ayent  quelque  signe  ou  figure  par  laquelle  on  leur  monstre  que  Dieu  leur  est  prochain,  et  qu'ils  le  peuvent  invoquer.  Quand  Aaron  les  appelle  pour  sacrifier,  il  ne  dit  pas,  Voici  des  dieux  nouveaux,  qui  vous  ont  este  incognus  auparavant:  mais,  C'est  vostre  Dieu  qui  vous  a  retirez  de  la  terre  d'Egypte.  Ces  povres  gens  la  donc  cuident  servir  Dieu,  et  l'adorer:  mais  ils  y  vont  d'une  facon  perverse:  car  ce  n'estoit  pas  la  regle  qui  leur  estoit  donnee.  Et  mesmes  ils  devoyent  estre  comme  en  suspens  iusques  a  ce  que  la  Loy  fust  apportees  mais  ils  se  precipitent,  et  sont  transportez  d'un  appetit  volage.  Or  par  cela  nous