48:611  611  SERMONS  612  soleil  luisoit  et  que  nous  fussions  tous  aveugles.  Que  reste-il  donc  sinon  que  nous  prions  Dieu  qu'il  sub  viene  a  nostre  ignorance?  Venons  au  second  erreur  :  c'est  qu'ils  voudroyent  triompher  du  premier  coup  et  puis  vivre  a  souhait  sans  aucune  peine.  Or  ce  vice  est  en  nous  tous,  car  il  n'y  a  celuy  qui  n'appete  de  regner  avec  Iesus  Christ  en  ce  salut  eternel  qu'il  nous  a  promis:  mais  cependant,  quand  on  nous  parle  de  porter  sa  croix,  et  d'entrer  en  combat  contre  Satan,  contre  le  monde,  et  mesmes  contre  nostre  propre  nature,  nous  voudrions  bien  retirer  nostre  espingle  du  ieu.  D'autant  plus  deverions-nous  estre  diligens  de  noter  ce  passage:  c'est  ascavoir  que  si  nous  voulons  estre  participans  des  biens  de  Iesus  Christ,  il  faut  maintenant  mettre  la  main  a  l'oeuvre.  Voulons-nous  estre  victorieux  avec  luy?  combatons  cependant  que  nous  sommes  au  temps  de  la  guerre.  Si  nous  voulons  estre  participans  de  tous  ses  biens,  il  faut  que  nous  endurions  la  povreto  qu'il  permettra  nous  advenir  en  ce  monde.  C'est  ce  que  dit  S.  Paul,  que  si  nous  sommes  participans  de  ses  passions,  nous  serons  aussi  participans  de  ses  consolations.  Voyci  maintenant  que  Iesus  Christ  est  assis  au  throne  de  gloire,  tout  est  mis  en  sa  main:  mais  devant  qu'il  soit  la  parvenu,  comment  est-ce  qu'il  a  converse  en  ce  monde?  Quelles  afflictions  y  a-il  endurees?  Il  a  tant  este  afflige  qu'il  sembloit  que  sa  vie  fust  .malheureuse:  car  en  tout  le  temps  qu'il  a  vescu,  li  n'a  iamais  eu  qu'affliction,  et  a  la  fin  il  a  endure  ^a  mort  la  plus  cruelle  qu'il  estoit  possible  d'inventer.  Qui  plus  est,  il  semble  qu'il  soit  delaisse  de  Dieu,  quand  il  permet  qu'il  soit  ainsi  condamne  par  le  monde.  Voyla  qu'il  faut  que  nous  considerions,  que  si  nous  voulons  entrer  en  ceste  gloire  immortelle,  il  faut  que  nous  portions  sa  croix  en  ce  monde  present.  Or  nous  voudrions  bien  faire  un  saut  iusques  la,  mais  nous  ne  voulons  pas  faire  un  pas  par  les  haines,  mespris  et  afflictions.  Mais  quoy?  si  faut-il  neantmoins  qu'il  se  face:  car  nous  ne  changerons  pas  l'ordre  que  Dieu  y  a  mis,  il  est  inviolable.  Nous  voulons  bien  scavoir  que  c'est  qu'on  fait  en  paradis,  mais  nous  n'en  voulons  pas  tenir  le  chemin,  qui  est  que  Dieu  ne  nous  a  mis  yci  bas  sinon  afin  que  Iesus  Christ  se  serve  de  nous  en  ce  monde,  afin  que  nous  soyons  participans  de  sa  gloire,  apres  que  nous  aurons  bataille  de  tout  nostre  pouvoir  contre  les  assaux  qui  nous  auront  este  faits  pour  nous  destourner  de  luy.  Mais  de  vouloir  scavoir  qu'on  fait  en  paradis,  et  n'en  tenir  pas  le  chemin,  c'est  mocquerie.  Il  faut  donc  que  nous  regardions  a  quoy  c'est  que  Dieu  nous  appelle,  et  nous  trouverons  que  nous  sommes  appelez  pour  combatre,  et  qu'il  y  a  une  difficulte  si  grande  pour  venir  au  dessus  des  combats,  que  nous  n'aurons  pas  le  loisir  de  nous  amuser  a  nous  enquerir  des