40:611  611  PRAELECTIONES  612  tionis,  vel  admodum  caducae.  Quod  ergo  ita  coram  Daniele  se  prostravit,  sicuti  iam  dixi,  et  pietatis  signum  est,  quod  Deum  reveretur,  et  amplectitur  vaticinium  quod  alioqui  et  molestum  et  acerbum  esse  poterat:  et  fuit  etiam  signum  modestiae,  quod  ita  coram  Dei  propheta  sese  humiliat.  Haec  igitur  possunt  merito  laudari  in  rege  babylonio:  sed  quid  fuerit  vitiosum  in  illa  reverentia,  cras  dicemus.  Diximus  heri  hoc  posse  merito  censeri  laude  dignum,  quod  rex  Nebuchadnezer  prostravit  se  coram  Daniele,  postquam  audiverat  recitare  somnium,  et  quae  adiuncta  etiam  fuerat  interpretatio.  Dedit  enim  aliquod  pietatis  testimonium,  quod  in  persona  Danielis  adoravit  verum  Deum,  sicuti  postea  dicetur.  Deinde  praebuit  se  docilem,  quum  tamen  prophetia  animum  eius  posset  exasperare:  quia  tyranni  vix  sustinent  aliquid  detrahi  ex  sua  potentia.  Sed  non  potest  prorsus  excusari  in  omnibus  :  quia  etsi  fatetur  deum  Israelis  esse  unicum  Deum:  transfert  tamen  partem  cultus  ad  hominem  mortalem.  Hoc  qui  excusant  non  satis  attendunt,  homines  profanos  miscere  coelum  et  terram  :  quia  utcunque  habeant  rectos  motus,  statim  relabuntur  ad  suas  superstitiones.  Nec  dubium  est,  quin  confessio  quam  statim  videmus  fuerit  particularis.  Neque  enim  vere,  et  in  solidum  conversus  fuit  Nebuchadnezer  ad  veram  pietatem,  ut  valediceret  suis  erroribus:  sed  aliqua  ex  parte  agnovit  summum  imperium  esse  penes  Deum  Israelis.  Haec  igitur  reverentia  non  correxit  omnes  eius  idololatrias:  sed  subito  motu,  quemadmodum  dixi,  confessus  est  Danielem  esse  veri  Dei  servum.  Interea  neque  discessit  a  suis  erroribus  quibus  assueverat,  et  paulo  post  revolutus  est  ad  maiorem  amentiam,  quemadmodum  etiam  proximo  capite  videbitur.  Sic  videmus  Pharaonem  dedisse  gloriam  Deo,  sed  ad  momentum:  interea  pertinaciter  fuisse  et  superbum  et  crudelem,  ita  ut  nunquam  exuerit  ingenium.  Idem  et  de  rege  babylonio  iudicium  fieri  debet,  quanquam  diverso  in  gradu.  Neque  enim  tam  superba  fuit  obstinatio  regis  Nebuchadnezer  quam  Pharaonis:  uterque  tamen  sic  aliquod  signum  reverentiae  ostendit,  ut  neuter  se  vere  et  ex  animo  subiiceret  Deo  Israelis.  Hinc  fit  ut  adoret  Danielem:  non  quod  putet  deum  esse,  sed  quia  profani  homines  confuse  album  nigro  permiscent:  et  scimus  ab  initio  etiam  crassissimos  quosque  habuisse  tamen  aliquod  principium  de  unico  Deo.  Nemo  enim  unquam  negavit  esse  aliquod  summum  numen:  sed  postea  fabricarunt  sibi  multitudinem  deorum:  transtulerunt  etiam  partem  divini  cultus  ad  ipsos  mortales.  Quum  rex  Nebuchadnezer  esset  implicitus  illis  erroribus,  non  mirum  est,  quod  Danielem  adoraverit,  et  simul  confessus  iuerit  unicum  esse  Deum.  Et  hodie  etiam  videmus  in  papatu  hanc  cocsessionem  esse  in  ore  omnium,