35:611  611  S  E  R  M  O  N  S  612  povre  mechanique:  et  en  la  fin  nous  voyons  que  tous  se  dressent  contre  luy:  et  y  a  eu  une  rage  telle,  qu'il  a  este  en  detestation,  et  a  este  ennemi  de  chacun,  et  en  la  fin  on  Ta  crucifie.  Or  ceste  mort  la  estoit  maudite  de  Dieu:  et  il  n'estoit  pas  seulement  desfigure  par  les  soufflets,  les  crachats  et  la  couronne  d'espines  mais  ii  a  este  malediction,  quand  il  a  este  pendu  entre  deux  brigans,  comme  s'il  estoit  le  plus  detestable  qui  iamais  eust  este  et  fust  cognu.  Or  ceste  espece  de  mort-la  estoit  effrayante,  pource  qu'elle  estoit  maudite  en  la  Loy.  Voyla  comme  il  a  este  desfigure:  car  ce  moyen  ci  a  tourne  en  scandale  aux  nommes.  Et  pourtant  le  Prophete  notamment  dit  qu'on  ne  croira  point  a  l'Evangile,  pource  que  les  hommes  ne  peuvent  concevoir  que  cela  soit  raisonnable,  et  ne  peuvent  approuver  nullement  que  le  Fils  unique  de  Dieu,  qui  est  le  Seigneur  de  gloire,  soit  expose  a  tel  opprobre  et  ignominie:  ils  ne  se  peuvent  accorder  a  ce  conseil  eternel  de  Dieu,  et  qui  a  este  de  toute  eternite.  Nous  voyons  maintenant  l'intention  du  Prophete.  Or  la  dessus  il  dit  que  neantmoins  si  sera  il  esleve.  Si  du  commencement  il  n'ha  nulle  apparence,  Dieu  le  fera  croistre:  et  on  le  verra  a  l'oeil,  dit-il,  qu'estant  en  terre  deserte,  estant  un  petit  surgeon,  si  ne  laissera-il  pas  d'estre  augmente,  et  de  florir  en  toute  gloire:  car  Dieu  y  mettra  la  main.  Et  puis  il  nous  ramene  a  nos  pechez,  pour  oster  le  scandale  que  nous  concevons  par  la  perversite  de  nostre  esprit.  Afin  donc  que  nous  ne  refusions  pas  de  venir  a  nostre  Seigneur  Iesus  Christ,  le  voyans  ainsi  desfigure,  le  Prophete  monstre  la  cause  pourquoy.  Car  a  la  verite,  si  nous  avons  une  fois  cognu  nos  pechez,  et  que  nous  ayons  apprehende  l'ire  de  Dieu  quant  et  qu^nt,  alors  nous  viendrons  a  nostre  Seigneur  Iesus  Christ,  et  le  desir  que  nous  aurons  d'estre  secourus  de  luy,  fera  que  nous  serons  tant  plus  enflammez  a  recevoir  sa  mort  et  passion:  car  nous  cognoistrons  que  c'est  un  remede  necessaire  pour  le  mal  qui  est  en  nous:  voyla  donc  en  somme  la  procedure  que  tient  yci  le  Prophete.  Or  quand  il  accompare  nostre  Seigneur  Iesus  Christ  a  un  surgeon,  et  a  une  racine  qui  est  en  terre  deserte  et  sterile,  c'est  pour  monstrer  que  les  commencemens  seront  petis,  et  qu'on  n'en  tiendra  conte:  mesmes  que  tout  le  monde  aura  cela  en  mocquerie  et  en  risee.  Desia  en  l'onzieme  chapitre  il  avoit  accompare  nostre  Seigneur  Iesus  Christ  a  un  surgeon,  disant  qu'il  sortiroit  du  tronc  d'Isai,  qui  est  le  pere  de  David.  Pour  ce  donc  que  la  maison  Royale  estoit  alors  abbatue,  et  n'y  avoit  plus  nulle  dignite,  il  disoit  que  ce  seroit  comme  du  temps  iadis,  qu'Isai  estoit  un  homme  champestre,  il  avoit  ses  enfans  bouviers  et  pasteurs  des  champs.  Ceste  maison  la  estoit  donc  obscure,