25:611  611  SERMON  I.  612  vre  clos  et  cachete:  et  que  si  on  le  presente  aux  gens  savans,  ils  diront:  Ce  ne  sont  pas  lettres  ouvertes,  il  y  a  un  cachet  dessus,  ie  ne  puis  pas  dire  ce  qui  est  la  dedans.  Si  on  la  persentoit  a  des  idiots  et  gens  non  lettrez,  ils  diront:  Nous  ne  sommes  pas  clercs,  et  n'avons  point  este  a  l'escole,  nous  ne  saurions  lire.  Voila  comme  Dieu  punit  tous  ceux  qui  cheminent  en  leur  brutalite,  et  ne  se  veulent  iamais  ranger  a  luy.  Il  est  vray  que  pour  un  temps  il  nous  supporte,  et  (comme  desia  i'ay  dit)  encores  que  nous  soyons  dignes  d'estre  retranchez  de  sa  maison,  d'estre  privez  de  sa  verite,  qu'il  nous  devroit  bailler  entre  les  mains  de  Sathan,  afin  qu'il  nous  aveuglast  de  mensonges,  et  que  nous  en  fussions  empoisonnez:  tant  y  a  que  nostre  Dieu  ayant  pitie  de  nous,  encores  essaye  s'il  nous  pourra  gagner  a  soy.  Mais  si  a  la  longue  nous  persistons  tousiours  a  reietter  la  bonne  doctrine,  et  que  nous  ne  profitions  non  plus  au  bout  de  l'an  que  le  premier  iour,  il  faudra  que  ceste  menace  s'accomplisse  sur  nous,  c'est:  Que  n<>us  Pr  e"  nions  l'Escriture  saincte  entre  les  mains,  et  qu'elle  nous  soit  preschee,  toutesfois  que  nous  n'y  entendrons  rien,  encore  que  nous  soyons  bien  subtils.  Et  quand  les  gens  idiots  diront:  Ie  ne  say  que  c'est,  que  les  plus  savans  et  plus  aigus  ayent  cela  comme  des  lettres  closes  et  cachettees.  Craignons  donc  une  telle  menace,  et  que  la  clarte  ne  nous  soit  convertie  en  tenebres,  et  retenons  ceste  opportunite  que  Dieu  auiourd'huy  nous  presente,  que  nous  puissions  faire  nostre  profit  d'un  tel  bien  quand  il  continue  ainsi  de  parler  a  nous.  Or  il  est  vray  que  ce  qui  est  ici  contenu,  a  este  dit  au  peuple  d'Israel,  et  luy  a  peu  profiter  pour  son  temps  :  mais  auiourd'huy  il  nous  appartient,  et  ce  nous  est  un  thresor  commun  duquel  Dieu  veut  que  nous  soyons  participans.  Car  (comme  nous  verrons)  la  Loy  n'a  pas  este  seulement  donnee  comme  une  reigle  de  bien  vivre:  mais  elle  est  fondee  sur  l'alliance  que  Dieu  avoit  faite  avec  Abraham,  et  avec  son  lignage.  Et  en  vertu  de  ceste  alliance-la,  nous  sommes  heritiers  du  royaume  celeste,  comme  S.  Paul  le  monstre.  Et  pour  cercher  nostre  salut  il  nous  faut  venir  a  ceste  promesse  qui  a  este  donnee  a  nostre  pere  Abraham:  et  que  nous  soyons  son  lignage  spirituel,  pour  estre  domestiques  de  l'Eglise  de  Dieu,  pour  estre  membres  de  nostre  Seigneur  Iesus  Christ.  Par  cela  donc  nous  voyons,  que  ceste  doctrine  n'a  pas  servi  seulement  iusques  a  la  venue  du  Fils  de  Dieu:  mais  qu'elle  nous  est  utile,  et  sera  iusques  a  la  fin  du  monde.  Car  c'est  un  bastiment  qui  est  fonde  sur  ceste  alliance  eternelle,  de  laquelle  (comme  i'ay  dit)  nostre  salut  procede,  comme  de  sa  vraye  source.  Au  reste  notons,  quand  Dieu  parlera  d'oresenavant  aux  Iuifs,  que  cela  s'addresse  a  nous:  voire,  et  qu'il  nous  le  faut