9:610  lomnie,  voire  trop  vilaine.  Il  dit  que  nous  sommes  hypocrites,  qui  nettoyons  seulement  le  dehors,  [page  45]  estans  au  dedans  pleins  de  rapines  et  de  malice.  Qu'il  s'adresse  a  ceux  qui  sont  tels,  mais  cuyde-  il  gagner  sa  cause  en  nous  iniuriant  a  tort?  Il  dit  que  nous  voulons  plaire  aux  hommes  plustost  qu'a  Dieu.  Qu'il  monstre  en  quoy.  Si  nous  disions  que  c'est  assez  d'avoir  beau  lustre,  et  d'estre  irreprehensibles  devant  les  hommes,  il  auroit  raison,  de  nous  faire  telle  reproche.  Mais  quand  nous  disons  avec  le  Prophete,  que  pour  plaire  a  Dieu  il  nous  faut  estre  purs  de  coeur,  et  avoir  les  mains  nettes  (Pseaume  24,  4),  il  n'a  nulle  couleur  de  nous  reprocher  nulle  fiction.  Mesme  il  est  par  trop  effronte  de  crier  que  nous  devons  commencer  a  purger  ce  qui  est  interieur.  Car  tout  ce  que  i'ay  escrit  de  ceste  matiere  testifie  asses,  que  ie  ne  mets  pas  la  principale  sainctete  au  dehors:  mais  seulement  ie  monstre  que  la  confession  est  un  accessoire  de  la  foy  qui  ne  s'en  peut  separer.  Ce  qui  est  tire  de  la  pure  doctrine  de  l'Escriture,  et  des  mots  propres  de  sainct  Paul  (Rom.  10,  10).  Or  ce  brouillon  confond  tout  en  disant  que  tous  ceux  qui  ont  regard  aux  ceremonies  contreviennent  a  ce  qui  est  dit  par  le  prophete  Isaie  (1,  13),  que  Dieu  ne  demande  plus  de  sacrifices,  mesme  qu'il  les  a  en  abomination.  Car  c'est  falsifier  ce  passage  par  ignorance  ou  malice,  quand  il  le  destourne  ainsi  :  veu  que  le  Prophete  n'entend  pas  que  Dieu  abolisse  l'usage  des  ceremonies,  mais  qu'il  reprouve  et  deteste  toute  hypocrisie.  Qu'ainsi  soit,  il  adresse  son  propos  au  peuple  ancien,  lequel  ce  brouillon  confesse,  et  ne  peut  nier,  avoir  este  astrainct  a  garder  les  iours  de  festes,  a  sacrifier,  et  porter  le  ioug  de  la  Loy.  Il  s'ensuit  donc  que  le  Prophete  ne  leur  [page  46]  donne  point  liberte  de  reietter  le  ioug  auquel  Dieu  les  avoit  assuiettis.  Mais  il  demonstre  que  toutes  les  devotions  des  hypocrites  ne  sont  qu'ordures  et  puantises  devant  Dieu,  iusqu'a  ce  qu'il  ait  purge  leur  coeur.  Comme  de  faict  il  Texprime  notamment  par  la  raison  qu'il  amene,  Que  leurs  mains  sont  pleines  de  sang.  Davantage,  si  les  ceremonies  sont  la  reiettees,  il  s'ensuyvroit  que  lever  les  mains  au  ciel  et  prier  Dieu,  seroit  abomination.  Car  le  Prophete  met  le  tout  en  mesme  reng,  disant:  Quand  vous  leveres  vos  mains,  ie  cacheray  mes  yeux,  et  quand  vous  continueres  a  prier  ie  ne  vous  exauceray  point  (1,  15).  Ie  croy  que  la  bestise  de  ce  brouillon  est  asses  descouverte.  Mais  il  monstre  aussi  qu'il  est  mene  d'un  esprit  malin  et  plein  d'amertume,  quand  sous  ombre  de  magnifier  ce  qui  est  commande  en  la  seconde  table,  il  pretend  a  destruire  le  service  de  Dieu.  Il  se  defendra  de  ce  bouclier  qu'il  met  en  avant,  a  savoir,  que  le  service  de  Dieu  est  situe  au  coeur  de  l'homme.  Ce  quo  ie  luy  confesse  bien,  quand  il  39