7:610  operum  iustitia,  adeoque  meritoriis  operibus  sermo  est,  eiusmodi  figmenta1)  obtrudunt,  quae  ad  Dei  legem  hominum  Arbitrio  adduntur.  Quis  autem  non  videt  hoc  modo  ἐθελοθρησκείας,2)  quae  a  Paulo  damnantur,  Dei  mandatis  opponi?  Certe,  si  verum  dicerent,  falsum  esset  illud  Christi:  Frustra  Deum  coli  hominum  mandatis  (Matth.  15,  9).  Nego  igitur,  legitimum  esse  alium  Dei  cultum,  quam  qui  ad  eius  voluntatem  exigitur:  nam  is  solus  rationabilis  [pag.  3  04]  a  Paulo  (Rom.  12,  1)  vocatur  hac  de  causa,  quod,  ubi  sapere  plus  quam  oportet  homines  volunt,  a  ratione  viaque  aberrant.  De  operibus  autem  mediis,  quorum  libera  est  electio,  alibi  erit  opportunior  dicendi  locus.  Tantum  ostendere  volui,  si  absque  Dei  mandato  suscepta  a  nobis  opera  in  partem  divini  cultus  spiritualisque  iustitiae  obrepant,  quod  in  religione  praecipuum  est  everti.  Quoniam  in  tradenda  reformationis  formula,  postquam  de  iustificatione  egerunt  mediatores,  ad  ecclesiam  descendunt:  videndum  quatenus  eorum  placitis  acquiescere  pio  homini  liceat,  qui  nolit  a  veritate  discedere.  Quas  ponunt  dignoscendae  ecclesiae  notas,  ego  quoque  libenter  recipio,  puram  doctrinam,  rectum  sacramentorum  usum,  et  sanctam,  quae  inde  pendet,  unitatem.  Sed  quod  addunt  de  continua  episcoporum  successione,  quis  non  animadvertat  captiose  ab  illis  dici?  Non  abs  re  contendimus,  ita  saecuiis  aliquot  laceratam  et  dissipatam  fuisse  Dei  ecclesiam,  ut  destituta  fuerit  veris  pastoribus.  Contendimus  nihil  minus  quam  pastores  fuisse,  qui  hunc  honoris  titulum  sibi  arrogarunt.  Isti,  non  modo  lupos3)  censeri  volunt  pastores,  sed  ecclesiam  alibi  quam  apud  eos  quaerendam  esse  negant.  Nos  certe  non  negamus  semper  fuisse  Dei  ecclesiam  in  mundo.  Audimus  enim  quid  de  perpetuo  Christi  semine  Deus  promittat.  Hoc  etiam  modo  non  negamus,  quin  ab  exordio  evangelii  continua  usque  ad  nos  fuerit  ecclesiae  successio:  quemadmodum  certo  persuasi  sumus,  ad  finem  usque  mundi  fore.  Sed  non  concedimus,  ita  affixam  esse  externis  larvis,  ut  penes  episcopos  vel  [pag.  105]  fuerit  antehac,  vel  posthac  futura  sit.4)  Et  unde,  quaeso,  id  necessarium  esse  probant?  Nulla  usquam  invenietur  promissio.  Quin  potius,  dum  Petrus  admonet,  falsos  doctores  in  ecclesia  christiana  fore,  sicuti  in  populo  veteri  fuerunt  (2  Petr.  2,  1):  et  Paulus  sessurum  in  templo  Dei  Antichristum,  pronunciat  (2  Thess.  2,  4),  non  extraneos  hostes  designant,  qui  violenta  irruptione  ad  exiguum  tempus  turbent  ecclesiam:  de  ordinaria  quam  vocant,  1)  menus  fatras.  2)  devotions  volontaires.  3)  telles  gens.  4)  ou  la  doivent  avoir  enclose  en  leur  sein.  39