5:610  et  equitable,  suyvant  la  iustice,  sans  estre  addonne  a  partialite,  par  lequel  les  controversies,  qui  se  pourroyent  esmouvoir,  soyent  decidees,  et  par  ainsi  que  toute  iniquite  et  violence  soyent  corrigees.l)  Or  quand  nous  mettons  en  avant  ceste  reformation  de  l'Eglise  germanique,  on  a  coustume  d'obiecter,  qu'il  n'est  pas  licite  a  l'Allemaigne  de  rien  changer  de  elle  mesme  en  la  Religion,  que  les  aultres  nations  ne  changent  pareillement.  Que  la  Religion  appartient  aussi  bien  aux  aultres  nations  chrestiennes,  et  pourtant  qu'il  n'est  licite  d'en  rien  determiner  sans  [fol.  120]  leur  approbation,  veu  que  ce  qui  a  touche  a  tous,  doit  estre  de  tous  approuve.  Que  si  les  Allemans,  de  leur  propre  conseil,  entreprennent  de  rien  corriger  en  l'Eglise,  par  cela  ilz  ne  feront  aultre  chose,  sinon  augmenter  le  scisme  qui  est  a  present,  et  nous  est  cause  de  tant  de  maulx,  avec  le  gros  scandale  qui  est  par  tout  le  mondo:  et  que  par  consequent  la  diversite  des  Religions,  laquelie  est  auiourdhuy  entre  nostre  nation  et  les  aultres  tant  deshonneste  et  pernicieuse,  sera  faicte  encores  plus  grande,  ce  qui  ne  seroit  convenable  a  gens  craignans  Dieu,  et  seroit  trespernicieux  a  l'Allemaigne.  Mais  il  convient  respondre  a  toutes  ces  choses.  Puis  que  les  Chrestiens  doyvent  preferer  les  commandemens  de  Christ  a  la  volunte  des  hommes,  d'autant  que  Christ  vault  mieulx  que  tous  hommes,  qu'il  ne  leur  est  licite  de  retenir  ce  qu'ilz  congnoissent  certainement  avoir  este  defendu  par  ce  bon  Sauveur,  ne  aussi  de  differer  a  recevoir,  ce  qu'ilz  ne  peuvent  doubter  avoir  este  enioinct,  et  par  expres  commande,  de  celuy  qui  est  nostre  Dieu  et  seul  Maistre:  ia  soit,  que  tout  le  monde  leur  contredise  en  cela,  non  seulement  n'approuve  pas  ce  qu'ilz  font.  Car  c'est  une  reigle  perpetuelle,  qu'il  fault  plustost  obeir  a  Dieu  que  aux  hommes.  Or  nul  ne  peult  nyer,  que  les  choses  que  nous  avons  demonstre  devoir  estre  restituees  ou  corrigees  en  l'Eglise,  nostre  Seigneur  Iesus  n'ayt  clairement  et  estroictement  commande  de  les  corriger  et  recevoir,  tant  par  les  sainctes  Escriptures,  que  par  les  Canons  anciens,  et  les  ordonnances  des  Empereurs  chrestiens.  Parquoy,  encores  que  les  aultres  nations  ne  vousissent  iamais  admettre  ce  changement  commande  du  Seigneur,  c'est  a  dire  une  correction  des  vices  tresmanifestes  et  une  restitution  necessaire,  de  ce  qui  ne  se  doit  omettre:  et  mesme  y  contrevenir  de  tout  leur  povoir:  neantmoins  si  nous  ne  voulions  abondonner  Christ,  et  n'estre  plus  de  son  troppeau  :  nous  avons  a  escou-  1)  Les  Actes  latins  de  Bucer  page  l  l  l  mettent  en  tete  de  ce  qui  suit  nn  nouveau  titre  de  section:  Dilutio  eorum  quae  obiici  solent,  ne  Germania  aliquod  Reformationis  initium  ipsa  per  se  moliatur.  39