49:610  une  chose  detestable  :  si  une  femme  de  bien  se  fust  trouvee  en  telle  compagnie,  elle  estoit  desprisee  pour  iamais:  mais  les  nonnains  des  Payens  venoyent  la  par  devotion,  pour  veoir  telles  vilenies:  autant  comme  si  on  eust  este  en  un  bordeau  ouvert.  Et  comme  se  pouvoit  faire  cela?  C'est  comme  le  diable  abrutit  les  hommes,  quand  ils  se  fient  en  leurs  fantasies:  car  lors  qu'il  n'y  a  plus  nulle  mesure,  ils  sont  pleins  de  telle  enormite,  qu'il  n'y  a  plus  honnestete  aucune  en  eux,  et  les  petis  enfans  auroyent  honte  de  leur  turpitudo.  Mais  quoy?  Tout  cela  sera  trouve  bon  et  louable  par  eux.  Or  c'est  une  chose  qui  est  bien  a  noter,  voyant  que  Dieu  met  ainsi  en  sens  reprouve  ceux  qui  ont  corrompu  son  service  et  qui  se  sont  desbordez  en  superstitions,  qu'il  les  laisse  la  en  telle  sorte  que  le  diable  les  tient  comme  enserrez,  et  qu'ils  ne  discernent  plus  en  facon  que  ce  soit,  et  pensent  que  tout  leur  soit  licite:  Et  mesmes  ils  feront  de  vice  vertu,  voire  des  crimes  enormes.  Voyla  donc  le  banquet  dont  il  est  fait  mention  au  passage  de  Moyse,  qui  est  ici  allegue  par  sainct  Paul.  Les  Iuifs  donc  se  sont  assis  pour  boire  et  pour  manger:  car  ils  avoyent  le  disner  solennel  avec  le  sacrifice,  comme  le  texte  le  monstre.  Et  puis  la  dessus  a  la  facon  des  Payens  ils  ont  eu  leurs  ieux  et  leurs  esbats,  cuidant  que  Dieu  fust  bien  honnore  par  cela.  Au  reste  on  pourra  demander  pourquoy  sainct  Paul  s'est  tant  amuse  a  une  chose  si  petite,  ou  pour  le  moins  a  un  accessoire,  et  n'a  point  touche  le  principal.  Car  la  il  est  dit  que  le  veau  qu'Aaron  fondit,  fut  adore,  et  qu'on  luy  fit  sacrifices  et  oblations.  Pourquoy  est-ce  que  sainct  Paul  oublie  cela?  Car  il  semble  bien  que  c'estoit  comme  le  noeud  :  et  il  nous  renvoye  seulement  au  banquet,  qui  en  estoit  une  queue:  et  puis  a  ces  ieux  profanes:  mais  il  ne  l'a  pas  fait  sans  raison,  d'autant  qu'en  la  ville  de  Corinthe  ceux  qui  se  disoyent  fideles,  n'alloyent  pas  aux  sacrifices,  ils  ne  s'alloyent  pas  agenouiller  devant  les  idoles,  ils  n'entroyent  pas  mesmes  en  leurs  temples  pour  dire,  Ie  suis  du  rang  de  ceux  qui  vienent  ici  par  devotion:  mais  ils  se  donnoyent  liberte  de  venir  la  aux  banquets,  quand  on  avoit  sacrifie,  alors  on  faisoit  les  banquets  solennels,*  Les  Chretiens  scavoyent  que  c'estoit  abomination  de  venir  la  au  sacrifice  :  et  cependant  ils  ne  faisoyent  point  de  scrupule  d'y  boire  et  d'y  manger.  Apres,  il  y  avoit  les  ieux.  Car  nous  scavons  que  le  diable  ha  tousiours  ses  amuse-fols  pour  endormir  ceux  qu'il  a  prins,  qu'il  les  attrappe  en  beaucoup  de  filets:  et  comme  nous  avons  dit,  ce  n'est  iamais  fait  depuis  que  les  hommes  se  desbordent,  et  qu'ils  veulent  servir  Dieu  a  leur  poste  et  selon  leur  cerveau.  Ils  brouillent,  ils  meslent,  il  y  a  une  confusion  horrible;  tellement  que  quand  ils