40:610  dicit  lapidem  hunc  excidendum  esse  e  monte.  Interea  si  quis  malit  montem  accipere  pro  electo  populo,  ego  non  contendam:  sed  hoc  videtur  mihi  remotum  esse  a  genuino  sensu  prophetae.  Tandem  subiicit,  Et  verum  est  somnium,  et  fidelis  eius  interpretatio.  Hic  Daniel  secure  et  intrepide  affirmat  se  non  afferre  dubias  coniecturas,  sed  quod  accepit  a  Domino  fideliter  exponere  regi  Nebuchadnezer.  Hic  ergo  sibi  vendicat  autoritatem  propheticam,  ut  rex  babylonius  agnoscat  ipsum  pro  fido  et  certo  Dei  interprete.  Et  videmus  prophetas  hac  fiducia  semper  loquutos  esse:  alioqui  frigeret  omnis  doctrina.  Si  fides  nostra  niteretur  vel  sapientia  hominum,  vel  aliis  rebus,  vacillaret  subinde.  Ergo  necesse  est  statui  nobis  illud  fundamentum,  quod  in  medium  nobis  profertur,  hoc  proficisci  a  Deo.  Haec  ratio  est  cur  prophetae  tantopere  in  hoc  insistant,  ne  censeatur  ipsorum  doctrina  humanitus  fabricata  esse.  Sic  etiam  hoc  loco  Daniel  primum  dicit,  verum  est  somnium:  quasi  diceret,  non  esse  somnium  vulgare,  quemadmodum  de  porta  cornea  poetae  fabulantur:  non  esse  etiam  somnium  turbulentum,  qualia  concipiunt  homines  vel  male  sani,  vel  referti  cibo  et  potu,  vel  etiam  pro  corporis  sui  constitutione,  vel  melancholici,  et  cholerici,  et  caetera.  Dicit  ergo  somnium  regis  babylonii  fuisse  verum  oraculum:  deinde  adiungit  interpretationem  esse  certam:  ubi,  sicuti  proximo  membro,  iterum  sibi  autoritatem  prophetae  conciliat:  ne  dubitet  Nebuchadnezer  ipsum  divinitus  esse  instructum,  quod  somnii  veritatem  intelligat.  Nunc  sequitur,  46.  Tunc  rex  Nebuchadnezer  cecidit  in  faciem  suam,  et  Danielem  adoravit:  et  oblationem,  et  suffitum  odoriferum  (hoc  est,  odorem  bene  fragrantem)  iussit  illi  sacrificari.  Quod  dicitur  rex  babylonius  cecidisse  in  faciem  suam,  aliqua  ex  parte  laudi  tribui  potest,  aliqua  etiam  ex  parte  vitio  verti.  Fuit  hoc  signum  et  pietatis  et  modestiae,  quod  se  prostravit  coram  Deo  et  propheta  eius.  Scimus  quam  ferox  sit  regum  superbia:  imo  videmus  ut  similes  sint  phreneticis,  quia  non  putant  se  esse  ex  numero  mortalium  :  adeo  excaecati  sunt  splendore  suae  magnitudinis.  Erat  tunc  summus  monarcha  Nebuchadnezer.  Difficile  igitur  fuit  eius  animum  ita  componi,  ut  gloriam  Deo  tribueret.  Deinde  somnium,  quod  exposuit  Daniel,  non  poterat  ei  gratiosum  esse.  Videbat  et  monarchiam  suam  esse  maledictam  coram  Deo,  et  perituram  cum  ignominia:  alias,  quae  superventurae  erant,  in  coelo  ordinatas  esse:  et  quamvis  acciperet  aliquid  solatii  ex  aliorum  regnorum  interitu,  tamen  fuit  hoc  valde  asperum  auribus  delicatis,  audire  regnum,  quod  tunc  florentissimum  erat,  et  quod  omnes  putabant  fore  perpetuum,  nullius  esse  dura-  39