25:610  qu'on  nous  presche  ne  nous  soit  point  fascheuse,  notons  qu'il  est  besoin  que  Dieu  nous  ramentoyve  ce  que  desia  il  nous  avoit  enseigne:  car  nous  avons  courte  memoire  envers  luy.  Et  pensons  bien  toutes  fois  et  quantes  qu'on  nous  met  au  devant,  qu'il  y  a  un  Dieu,  auquel  nous  sommes:  et  que  non  seulement  il  nous  est  createur,  mai  s  qu'il  nous  est  pere,  nous  ayant  adopte  pour  ses  enfans,  et  puis,  apres  nous  avoir  rachetez  par  le  sang  de  son  Fils,  qu'il  nous  a  attirez  a  soy  d'un  lien  plus  estroit  Quand  cela  nous  est  ramentu,  si  nous  l'avons  desia  ouy  auparavant,  ne  disons  point:  Et  cela  nous  avoit  este  presche:  mais  que  chacun  entre  en  soy,  qu'on  s'examine,  et  qu'on  'cognoisse  si  ce  que  nous  avons  ouy  est  bien  imprime  en  nos  coeurs.  Entrons  donc  en  ce  conte.  Et  pourquoy?  Car  si  nous  avions  bonne  memoire,  que  nous  sommes  mis  en  ce  monde  afin  de  glorifier  nostre  Dieu:  n'aurions  nous  pas  autre  affection  de  nous  acquitter  envers  luy?  Si  nous  pensions  a  la  douceur  paternelle  de  laquelle  il  use  quand  il  nous  appelle  pour  ses  enfans,  et  laquelle  ii  nous  a  desia  monstree  un  coup,  quand  il  nous  a  adoptez  en  la  personne  de  son  Fils  :  si  nous  regardions  combien  nous  avons  couste  a  nostre  Seigneur  Iesus  Christ,  quand  il  nous  a  affranchis  de  la  mort  eternelle:  ne  serions-nous  point  affectionnez  a  nous  dedier  du  tout  a  nostre  Dieu  ?  ne  serions-nous  point  esmeus  a  luy  porter  autre  reverence  que  nous  ne  faisons  pas?  Ainsi  donc  quand  nous  sommes  sauvages,  que  le  monde  nous  transporte,  que  nous  sommes  envelopez  de  nos  cupiditez  et  affections  terrestres,  cognoissons  que  c'est  d'autant  que  nous  n'avons  point  bien  escoute  nostre  Dieu  quand  il  parloit  a  nous,  s'il  nous  advertit  de  nostre  devoir,  nous  n'y  regardons  point.  Et  ainsi  il  est  bon  que  la  memoire  nous  en  soit  refreschie,  et  que  Dieu  revienne  a  nous,  et  qu'il  nous  declare:  Povres  gens,  qu'est-ce  que  ceci  veut  dire?  quand  ie  vous  ay  enseignez,  vous  deviez  estre  tout  confits  en  la  doctrine  qui  est  contenue  en  ma  parolle:  et  cependant  vous  estes  encores  comme  des  petis  enfans.  Voila  (di-ie)  ce  que  nous  avons  a  faire,  voire  afin  de  prendre  goust  a  la  parole  de  Dieu,  et  pour  en  estre  nourris  comme  de  nostre  pasture  ordinaire.  Que  nous  saschions  que  ce  n'est  point  en  vain  que  cest  ordre  a  este  constitue,  que  tout  le  temps  de  nostre  vie  on  nous  presche,  que  nous  ayons  les  aureilles  batues  de  ce  que  nous  devrions  avoir  comprins  en  un  mois,  ou  en  deux.  Au  reste,  si  nous  n'en  faisons  ainsi,  c'est  que  tout  le  temps  de  nostre  vie  nous  ne  soyons  apprivoisez  a  escouter  nostre  Dieu,  et  que  nous  ne  souffrions  d'estre  enseignez  de  luy:  craignons  qu'il  n'execute  sur  nous  ceste  vengeance,  de  laquella  il  a  une  fois  menace  le  peuple  d'Israel  par  son  Prophete  Isaie,  disant:  Que  sa  Loy  sera  comme  un  li-  39