8:61  61  DE  SCANDALIS.  62  que  se  gerere,  qui  evangelio  gloriantur;  atqui  hoc  primo  loco  quaerendum  erat,  an  evangelium  ipsos  in  deterius  mutaverit.  Qui  scortator  erat,  inquiunt,  vel  aleo,  vel  alio  in  genere  dissolutus,  idem  hodie  est.  Nempe  quae  in  papatu  vitia  tolerant,  ita  repente  detestari  incipiunt,  ut  eorum  odio  ipsam  quoque  horreant  sanctitatis  et  innocentiae  doctrinam.  Non  vereor  ne  sibi  me  patronum  fore  putent,  qui  turpi  ac  flagitiosa  vita  dedecus  afferunt  evangelio.  Quo  mihi,  ut  arbitror,  ad  eos  obiurgandos,  qui  omnes  papatus  corruptelas  evangelio  imputant,  [pag  78]  maior  erit  libertas.  Si  qua  illic  sanctitas  quaeritur,  eam  monachi  sibi  omnium  consensu  absque  controversia  arrogant.  Quidni  faciant,  quum  in  eorum  claustris  resideat  angelica  perfectio?  Atqui  non  aliunde  nobis  foedior  vitiorum  omnium  colluvies.  Si  excipiet  quispiam,  quum  illinc  tantum  exeant  vomicae,  non  mirum  esse  si  foetorem  quocunque  veniunt  emittant,  frivolam  eiusmodi  calumniam  diluere  promptum  est.  Primum  enim,  si  quid  illic  probum  fuit,  tanquam  aurum  ex  sterquilinio,  1)  mira  Dei  providentia  eductum  fuisse  constat.  Quos  hac  nostra  aetate  monachos  habuit  Germania,  qui  vel  doctrina  vel  sanctitate  cum  Luthero,  Bucero,  Oecolampadio  et  similibus  conferre  se,  nisi  nimis  impudenter,  audeant?  Quos  Itali  Bernardino  Ochino,  et  Petro  Vermillio  opponent?  Ex  Galliae  quoque  lustris  egressi  sunt  nonnulli,  qui  suo  splendore  multa  sui  ordinis  probra  et  dedecora  texissent.  Paucos  quidem  fateor  ex  monachatu  ad  nos  transisse,  qui  honoris  causa  nominari  digni  sint.  Et  quid  mirum  si  non  multi  ex  inferis  angeli  prodeant?  Quod  unus  Loth  ex  Sodomis  salvus  evasit,  insigni  Dei  potentiae  merito  tribuimus.  Quae  autem  Sodoma  tot  unquam  foeditatum  monstris  referta  fuit,  quot  hodie  scatent  monachorum  lustra?2)  Itaque  dicere  soleo:  si  modo  decima  pars  eorum  qui  illinc  christianismi  nomine  evolant,  Christo  se  vere  addicat,  praeclare  nobiscum  agi.  Quin  etiam  quotidie  videmus  suis  decimis  Christum  fraudari,  ut  vix  ad  eum  pars  vigesima  perveniat.  Qui  autem  scandali  occasionem  praebent,  eos  dico  non  tam  natura  pravos  esse,  et  propriis  criminibus  infames,  quam  foeda  et  nefaria  monachatus  educatione  infectos.3)  Quod  enim  et  ignavi  sunt  ventres,  et  rixosi,  et  perfidi,  et  ingrati,  et  humanitatis  expertes,  et  factiosi,4)  et  furaces,  [pag.  79]  et  servili  ingenio,  et  libidinosi:  nonne  haec  omnia  claustrale  vivendi  institutum  resipiunt?  Suas  quidem  seorsum  distinctas  regulas  habent  diversi  ordines:  omnium  tamen  fere  communis  est  ex  illis,  quas  recensui,  virtutibus  conflata  regula.  Nam  si  optimi,  quos  ex  coeno  illo  Dominus  extraxit,  1)  Add.  ou  un  grain  de  ble  du  fumier.  2)  bordeaux  Ae  moineries.  3)  infestos.  1551  et  seqq.  4)  addonnez  a  picques  et  a  faire  bandes.